Pakistan Political Crisis: పాకిస్తాన్‌లో ముదిరిన రాజకీయ సంక్షోభం.. పీటీఐ అధికారంలో ఉన్న ఖైబర్ పఖ్తున్‌ఖ్వా ప్రావిన్స్‌లో గవర్నర్ పాలన.. మంటల్లో తగలబడిన గవర్నర్ హౌస్..
పాకిస్థాన్‌లో రాజకీయ, భద్రతా పరిణామాలు కీలక మలుపు తిరిగాయి. మాజీ ప్రధాని ఇమ్రాన్ ఖాన్‌కు చెందిన పాకిస్థాన్ తెహ్రీక్‌-ఎ-ఇన్సాఫ్‌ (పీటీఐ) పార్టీ అధికారంలో ఉన్న ఖైబర్ పఖ్తున్‌ఖ్వా ప్రావిన్స్‌లో అత్యవసర పరిస్థితిని ప్రకటించడంతో పాటు గవర్నర్ పాలనను విధించారు.
Pakistan Political Crisis: పాకిస్థాన్‌లో రాజకీయ, భద్రతా పరిణామాలు కీలక మలుపు తిరిగాయి. మాజీ ప్రధాని ఇమ్రాన్ ఖాన్‌కు చెందిన పాకిస్థాన్ తెహ్రీక్‌-ఎ-ఇన్సాఫ్‌ (పీటీఐ) పార్టీ అధికారంలో ఉన్న ఖైబర్ పఖ్తున్‌ఖ్వా ప్రావిన్స్‌లో అత్యవసర పరిస్థితిని ప్రకటించడంతో పాటు గవర్నర్ పాలనను విధించారు.
ప్రావిన్స్‌లో ఉగ్రవాద దాడులు పెరుగుతున్నాయని, వాటిని ఎదుర్కోవడంలో స్థానిక ప్రభుత్వం తగిన చర్యలు తీసుకోవడం లేదని కేంద్ర ప్రభుత్వం ఆరోపించింది. ఈ నేపథ్యంలో ప్రధాని షెహబాజ్‌ షరీఫ్‌ నేతృత్వంలోని ఫెడరల్‌ క్యాబినెట్‌ సిఫార్సుకు అధ్యక్షుడు ఆసిఫ్‌ అలీ జర్దారీ ఆమోదం తెలిపారు. 2026 అక్టోబర్‌ 11న తీసుకున్న ఈ నిర్ణయం పాకిస్థాన్ రాజకీయాల్లో తీవ్ర చర్చకు దారితీసింది.
పాకిస్థాన్ రాజ్యాంగంలోని ఆర్టికల్‌ 232, 234ల కింద ఈ చర్యలు చేపట్టినట్లు ప్రభుత్వం ప్రకటించింది. ఆర్టికల్‌ 232 అత్యవసర పరిస్థితికి సంబంధించిన నిబంధన కాగా, ఆర్టికల్‌ 234 ప్రకారం నిర్దిష్ట పరిస్థితుల్లో ప్రావిన్షియల్‌ ప్రభుత్వ వ్యవహారాలను కేంద్రం తన ఆధీనంలోకి తీసుకోవచ్చు.
ఈ నిర్ణయంతో ఖైబర్ పఖ్తున్‌ఖ్వాలో ముఖ్యమంత్రి నేతృత్వంలోని ప్రభుత్వ అధికారాలు నిలిపివేసి, గవర్నర్ ఫైసల్‌ కరీమ్‌ కుండీ ఆధ్వర్యంలో 11 మంది సభ్యుల సలహా మండలి ద్వారా పరిపాలన నిర్వహించనున్నట్లు పాక్‌ ప్రభుత్వం వెల్లడించింది. ఈ ఏర్పాటు ఆరు నెలలపాటు కొనసాగుతుందని అధికారిక వర్గాలు తెలిపాయి. గ్రీన్ కార్డు కోసం ఎదురుచూస్తున్న భారతీయులకు బిగ్ అలర్ట్.. సెప్టెంబర్ 18 నుంచి కొత్త నిబంధనలు.. ఇండియన్లపై ఎలాంటి ప్రభావం పడుతుంది..
ఆఫ్ఘనిస్థాన్‌ సరిహద్దుకు సమీపంలో ఉన్న ఖైబర్ పఖ్తున్‌ఖ్వా ప్రావిన్స్‌లో ఉగ్రవాద దాడులు, శాంతిభద్రతల సమస్యలు పెరుగుతున్నాయని పాక్‌ కేంద్ర ప్రభుత్వం చెబుతోంది. ఉగ్రవాదాన్ని ఎదుర్కొనే విషయంలో ప్రావిన్షియల్‌ ప్రభుత్వం సహకరించడం లేదని కేంద్ర నాయకత్వం ఆరోపించింది.
Pakistan Political Crisis
అయితే ఈ ఆరోపణలను పీటీఐ అంగీకరించడం లేదు. ఉగ్రవాదాన్ని అరికట్టేందుకు అవసరమైన వనరులు, సహకారాన్ని కేంద్రం అందించడం లేదని ఆ పార్టీ నేతలు ప్రతివాదం చేస్తున్నారు. దీంతో భద్రతా సమస్యతో పాటు కేంద్రం, ప్రావిన్షియల్‌ ప్రభుత్వాల మధ్య అధికార పోరు కూడా తీవ్రరూపం దాల్చింది.
గవర్నర్ పాలన విధింపును పీటీఐ తీవ్రంగా వ్యతిరేకించింది. ఈ నిర్ణయం ప్రజాస్వామ్య వ్యవస్థను, ప్రావిన్స్‌ స్వయంప్రతిపత్తిని దెబ్బతీస్తోందని ఆరోపించింది. జైలులో ఉన్న ఇమ్రాన్ ఖాన్‌ను విడుదల చేయాలనే డిమాండ్‌తో ఆయన మద్దతుదారులు ఇస్లామాబాద్‌ వైపు నిరసన కార్యక్రమాలు చేపట్టేందుకు సిద్ధమవుతున్న తరుణంలో ఈ పరిణామం చోటుచేసుకుంది. దీంతో దేశవ్యాప్తంగా భద్రతా ఏర్పాట్లను కట్టుదిట్టం చేశారు. పీటీఐ నాయకత్వం కేంద్ర నిర్ణయాన్ని రాజకీయ చర్యగా అభివర్ణిస్తుండగా, ప్రభుత్వం మాత్రం భద్రతా పరిస్థితుల దృష్ట్యా ఈ చర్య అవసరమని సమర్థిస్తోంది.
ఖైబర్ పఖ్తున్‌ఖ్వాలో గవర్నర్ పాలన అమలు, భద్రతా పరిస్థితులు, ఇమ్రాన్ ఖాన్ మద్దతుదారుల నిరసనలు రానున్న రోజుల్లో పాకిస్థాన్ రాజకీయాలపై ప్రభావం చూపే అవకాశముంది. ఈ నిర్ణయంపై న్యాయపరమైన సవాళ్లు ఎదురవుతాయా, కేంద్రం–ప్రావిన్స్‌ మధ్య విభేదాలు మరింత పెరుగుతాయా అన్నది ఆసక్తికరంగా మారింది. భద్రతను మెరుగుపరచడం ప్రభుత్వానికి తక్షణ సవాలైతే, ప్రజాస్వామ్య సంస్థలపై విశ్వాసాన్ని నిలబెట్టడం కూడా అంతే ముఖ్యమైన అంశం. ప్రస్తుత పరిణామాలు పాకిస్థాన్‌లో రాజకీయ స్థిరత్వం, ప్రావిన్షియల్‌ స్వయంప్రతిపత్తి, ఉగ్రవాద నిరోధక చర్యల మధ్య ఉన్న సంక్లిష్ట సంబంధాన్ని మరోసారి ముందుకు తెచ్చాయి.