Kaikala Health Update: మా నాన్న బతికే ఉన్నాడు, ఆ చావు వార్తలు ఆపండి, తప్పుడు వార్తలు ప్రచారం చేయవద్దని కోరిన కైకాల స‌త్య‌నారాయ‌ణ కూతురు, ఆయన కోలుకుంటున్నారని వీడియో ద్వారా వెల్లడి

చిత్ర సీమలో విలక్షణ నటుడు కైకాల స‌త్య‌నారాయ‌ణ (Kaikala Satyanarayana) ఇటీవ‌ల అనారోగ్యంతో ఆసుప‌త్రిలో చేరిన విష‌యం తెలిసిందే. ఆస్పత్రిలో చికిత్స పొందుతుండగానే కైకాల స‌త్యనారాయ‌ణ ఆరోగ్య స్థితిపై మంగ‌ళ‌వారం ఉద‌యం ఒక్క‌సారిగా త‌ప్పుడు వార్త‌లు గుప్పుమ‌న్నాయి. ఆయ‌న మృతి చెందిన‌ట్లుగా వాట్సాప్ గ్రూపుల్లో ప్ర‌చారంలోకి వ‌చ్చింది. ఈ క్ర‌మంలో స‌త్య‌నారాయ‌ణ కూతురు ర‌మాదేవి వ‌దంతులు (Kaikala Satyanarayana's Death Rumors) న‌మ్మోద్దని విజ్ఞ‌ప్తి చేశారు.

నాన్న‌గారి ప‌రిస్థితి బాగానే వుంది. ఆయ‌న కోలుకుంటున్నారు. బాగా స్పందిస్తున్నారు. అంద‌రితో మాట్లాడుతున్నారు. నిన్న డాక్ట‌ర్ మాదాల ర‌విగారు వ‌చ్చారు. ఆయ‌న‌తో కూడా మాట్లాడి థ‌మ్స‌ప్ కూడా చూపించారు. కాబ‌ట్టి ఎవ‌రూ ఆందోళ‌న చెందాల్సిన ప‌నిలేదు. ద‌య‌చేసి త‌ప్పుడు స‌మాచారం ఇచ్చి ప్ర‌జ‌ల‌ను ఆందోళ‌న‌కు గురిచేయొద్దు అని రిక్వెస్ట్ చేశారు. అపోలో ఆస్పత్రిలో చేరిన సీనియర్‌ నటుడు కైకాల సత్యనారాయణ ఆరోగ్య పరిస్థితిపై అగ్రకథానాయకుడు చిరంజీవి కూడా ఇటీవ‌ల స్పందించారు.

ఐసోలేషన్‌లో కమల్‌ హాసన్‌, అమెరికా నుంచి వచ్చిన తరువాత కరోనా బారిన పడిన అగ్ర నటుడు, దయ చేసి ప్రతి ఒక్కరు జాగ్రత్తగా ఉండాలని ట్వీట్

సత్యనారాయణతో తాను ఫోన్లో మాట్లాడినట్లు తెలిపారు. తన మాటలకు ఆయన ఆనందం వ్యక్తం చేశారని త‌న ట్వీట్‌లో పేర్కొన్నారు. తాజా స‌మాచారం ప్ర‌కారం స‌త్య‌నారాయ‌ణ‌ క్ర‌మంగా కోలుకుంటున్నారు. ర‌క్త‌పోటు అదుపులోకి వ‌స్తోంది. కిడ్నీల ప‌నితీరు మెరుగ‌య్యింది. ఆయ‌న వెంటిలేట‌ర్ స‌పోర్ట్‌పై కొన‌సాగుతున్నార‌ని తెలుస్తుంది.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)