NRI EPF Rules: ఇండియా వదిలి విదేశాలకు వెళ్తే PF డబ్బులు పోతాయా.. విదేశాలకు వెళ్లే ముందు తప్పక తెలుసుకోవాల్సిన విషయాలు..
ఉపాధి నిమిత్తం విదేశాలకు వెళ్లే భారతీయ ఉద్యోగులకు తమ ఎంప్లాయీస్ ప్రావిడెంట్ ఫండ్ (EPF) ఖాతాకు సంబంధించిన నిబంధనలపై అవగాహన ఉండటం అత్యంత కీలకమని ఆర్థిక నిపుణులు సూచిస్తున్నారు. భారత్‌లో ఉద్యోగాన్ని విడిచిపెట్టి విదేశాలకు వెళ్లినంత మాత్రాన EPFలో జమ అయిన సొమ్ము రద్దు కాదని.. ఆ మొత్తం ఖాతాలోనే సురక్షితంగా ఉంటుందని స్పష్టం చేశారు.
NRI EPF Rules: ఉపాధి నిమిత్తం విదేశాలకు వెళ్లే భారతీయ ఉద్యోగులకు తమ ఎంప్లాయీస్ ప్రావిడెంట్ ఫండ్ (EPF) ఖాతాకు సంబంధించిన నిబంధనలపై అవగాహన ఉండటం అత్యంత కీలకమని ఆర్థిక నిపుణులు సూచిస్తున్నారు. భారత్‌లో ఉద్యోగాన్ని విడిచిపెట్టి విదేశాలకు వెళ్లినంత మాత్రాన EPFలో జమ అయిన సొమ్ము రద్దు కాదని.. ఆ మొత్తం ఖాతాలోనే సురక్షితంగా ఉంటుందని స్పష్టం చేశారు.
శాశ్వతంగా విదేశాలకు వలస వెళ్లేవారికి లేదా విదేశీ సంస్థల్లో ఉద్యోగం సాధించిన వారికి EPFO పూర్తి మొత్తాన్ని విత్‌డ్రా చేసుకునే సదుపాయాన్ని కల్పిస్తోంది. అయితే, వెంటనే డబ్బులు ఉపసంహరించుకోవడం అందరికీ శ్రేయస్కరం కాకపోవచ్చని స్పష్టం చేస్తున్నారు.
EPFO 3.0 కొత్త నిబంధనలు.. ATM, UPI ద్వారా PF విత్‌డ్రా ఎప్పటి నుంచి? ఎంత తీసుకోవచ్చు?
గుర్తుంచుకోవాల్సిన కీలక అంశాలు:
పన్ను ప్రభావం: నిరంతరంగా 5 ఏళ్ల సర్వీస్ పూర్తి కాకుండానే EPF సొమ్మును విత్‌డ్రా చేస్తే పన్ను (TDS) వర్తిస్తుంది. కాబట్టి పన్ను పరిణామాలను పరిగణనలోకి తీసుకున్నాకే నిర్ణయం తీసుకోవాలి.
ఖాతా బదిలీ (Transfer): భవిష్యత్తులో తిరిగి భారత్‌కు వచ్చి ఉద్యోగం చేసే ఆలోచన ఉంటే, పాత ఖాతాను అలాగే ఉంచి కొత్త ఉద్యోగానికి బదిలీ చేసుకోవడం ద్వారా గత సేవా కాలాన్ని (Service History) కాపాడుకోవచ్చు.
EPS ప్రయోజనాలు: 10 ఏళ్ల సర్వీస్ పూర్తి చేసిన వారు పెన్షన్ (EPS) ప్రయోజనాల కోసం 'స్కీమ్ సర్టిఫికేట్' తీసుకోవడం లేదా సంబంధిత నిబంధనలను పరిశీలించడం అవసరం.
ముందస్తు చెక్‌లిస్ట్: విదేశాలకు వెళ్లే ముందే UAN, ఆధార్, PAN, ఇ-నామినేషన్, బ్యాంక్ ఖాతా వివరాలు (KYC) సరిగ్గా ఉన్నాయో లేదో సరిచూసుకోవాలి. అలాగే, బ్యాంక్ ఖాతాను NRO/NRE కింద మార్చుకోవాల్సి ఉంటుంది.
విదేశాలకు వెళ్లే ఉద్యోగులు తమ తక్షణ ఆర్థిక అవసరాలు, పన్ను అంశాలు, దీర్ఘకాలిక పొదుపు లక్ష్యాలను బేరీజు వేసుకుని EPF విత్‌డ్రాపై తగిన నిర్ణయం తీసుకోవాలని నిపుణులు సలహా ఇస్తున్నారు.