COVID-19 in India: 'కరోనాతో కలిసి జీవించడం నేర్చుకోవాలి' ! భారత్‌లో 60,000కు చేరువైన కోవిడ్-19 బాధితుల సంఖ్య, 2 వేలకు సమీపంలో కరోనా మరణాలు

New Delhi, May 9: భారతదేశంలో రోజురోజుకు పెరుగుతూ పోతున్న పాజిటివ్ కేసులతో కరోనా బాధితుల సంఖ్య 60 వేలకు చేరువయింది. గడిచిన 24 గంటల్లో దేశవ్యాప్తంగా కొత్తగా మరో 3,320 పాజిటివ్ కేసులు నమోదయ్యాయి. దీంతో దేశంలో మొత్తం COVID-19 పాజిటివ్ కేసుల సంఖ్య శనివారం ఉదయం నాటికి 59,662 దాటింది. నిన్న ఒక్కరోజే 95 కోవిడ్ మరణాలు నమోదయ్యాయి, దీంతో ఈ వ్యాధి కారణంగా ఇప్పటివరకు మరణించిన వారి సంఖ్య 1981 కి పెరిగిందని కేంద్ర వైద్య, ఆరోగ్య మంత్రిత్వ శాఖ విడుదల చేసిన హెల్త్ బులెటిన్ లో పేర్కొంది.

నిన్న దేశవ్యాప్తంగా 1325 మంది కరోనా బాధితులు కోలుకొని ఆసుపత్రుల నుంచి డిశ్చార్జ్ అయ్యారు. ఇప్పటివరకు 17,846 మంది బాధితులు కోలుకొని ఆసుపత్రుల నుంచి డిశ్చార్జ్ కాగా, ప్రస్తుతం దేశంలో 39,834 యాక్టివ్ కేసులు ఉన్నాయని ఆరోగ్య శాఖ అధికారులు పేర్కొన్నారు.

ప్రస్తుతం దేశంలో మూడవ విడత లాక్డౌన్ అమలులో ఉంది. అయితే లాక్డౌన్ విధించి నేటికి 45 రోజులు కావస్తుంది. ఈ లాక్డౌన్ వలన దేశంలోని చాలా ప్రాంతాలలో కరోనావైరస్ వ్యాప్తి సమర్థవంతంగా కట్టడి చేయబడింది. ఇప్పటివరకు ఉన్న సమాచారం మేరకు అరుణాచల్ ప్రదేశ్, గోవా మరియు మణిపూర్ రాష్ట్రాలతో పాటు కేంద్ర పాలిత ప్రాంతమైన అండమాన్-నికోబార్ పూర్తిగా కోవిడ్-19 రహిత ప్రాంతాలుగా మారాయి.. భారతదేశ COVID-19 యొక్క రికవరీ రేటు 29.36% గా మెరుగైన స్థితిలో ఉంది. దేశవ్యాప్తంగా 216 జిల్లాల్లో ఒక్క పాజిటివ్ కేసు కూడా లేదని కేంద్ర ఆరోగ్య మంత్రిత్వ శాఖ ప్రకటించింది. తెలంగాణ రాష్ట్రంలో అతి త్వరలో 80 శాతం జిల్లాలు కోవిడ్-19 రహితం అవుతున్నాయని ప్రకటించిన మంత్రి ఈటల

మరోవైపు కొన్ని రాష్ట్రాల్లో కేసుల సంఖ్య రోజురోజుకి భారీగా పెరుగుతూ పోతున్నాయి. ఈరోజు ఉదయం వరకు ఉన్న కోవిడ్-19 గణాంకాల ప్రకారం మహారాష్ట్రలో అత్యధికంగా 19,063 కేసులు, 731 మరణాలు, అటు తరువాత గుజరాత్‌లో 7,402 కేసులు, 449 మరణాలు, దిల్లీలో 6318 కేసులు, 68 మరణాలు, తమిళనాడులో 6009 కేసులు, 40 మరణాలు నమోదయ్యాయి.

అన్ని రాష్ట్రాలు మరియు యూటీల వారీగా కోవిడ్-19 గణాంకాలు ఇలా ఉన్నాయి

ఈ సందర్భంగా కేంద్ర వైద్య, ఆరోగ్య మంత్రిత్వ శాఖ అధికారులు మాట్లాడుతూ "ఇకపై మనమందరం కూడా కరోనావైరస్ తో సహజీవనం చేస్తూనే ఎలా జీవించాలో నేర్చుకోవాలి. ఈ పోరాటం చాలా కఠినమైనది. దీనికి అందరి సహకారం అవసరం" అని పేర్కొన్నారు. కరోనావైరస్ ముప్పు నుండి నిరంతరం కాపాడుకునే పద్ధతులు, భౌతిక దూరం మనందరి జీవితంలో భాగస్వామ్యం కావాలని కేంద్ర ఆరోగ్య అధికారులు సూచించారు.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)