Latest Monthly Drug Alert List: ఈ ఔషధాలు కొంటున్నవారికి అలర్ట్, సీడీఎస్సీవో నాణ్యత పరీక్షలో విఫలమైన 53 రకాల మందులు, పారాసిటమాల్‌తో సహా లిస్టు ఇదిగో..

భారత ఔషధ నియంత్రణ సంస్థ సెంట్రల్ డ్రగ్స్ స్టాండర్డ్స్ కంట్రోల్ ఆర్గనైజేషన్ (సీడీఎస్సీవో) పరిశీలనలో కీలక విషయాలు వెలుగు చూశాయి. నాణ్యత పరీక్షలో ఏకంగా 53 ఔషధాలు విఫలమయ్యాయి. ఈ జాబితాలో పారాసిటమాల్‌తో పాటు కాల్షియం, విటమిన్ డీ3 సప్లిమెంట్లు, యాంటీ-డయాబెటిస్ మాత్రలు, హైబీపీ మందులు ఉన్నాయి. ఈ మేరకు నెలవారీ ‘నాట్ ఆఫ్ స్టాండర్డ్ క్వాలిటీ (ఎన్ఎస్‌క్యూ) అలర్ట్ జాబితాలో ఈ ఔషధాల పేర్లను సీడీఎస్సీవో ప్రకటించింది.

ఐరన్ మాత్రలు ఎప్పుడు వేసుకోవాలి..అధికంగా తీసుకోవడం వల్ల కలిగే నష్టాలు.

క్వాలిటీ టెస్టులో విఫలమైన మరికొన్ని ఔషధాల జాబితాలో విటమిన్ సీ, డీ3 టాబ్లెట్స్ షెల్కాల్, విటమిన్ బీ కాంప్లెక్స్, విటమిన్ సీ సాఫ్ట్‌జెల్స్, యాంటీ యాసిడ్ పాన్-డీ, పారాసిటమాల్ ఐపీ 500 ఎంజీ, యాంటీ డయాబెటిక్ డ్రగ్ గ్లిమెపిరైడ్, హైబీపీ ఔషధం టెల్మిసార్టన్‌ ఉన్నాయి. ఈ ఔషధాలను హెటిరో డ్రగ్స్, ఆల్కెమ్ లేబొరేటరీస్, హిందుస్థాన్ యాంటీబయాటిక్స్ లిమిటెడ్ (హెచ్ఏఎల్), కర్ణాటక యాంటీబయాటిక్స్ అండ్ ఫార్మాస్యూటికల్స్ లిమిటెడ్, మెగ్ లైఫ్‌సైన్సెస్, ప్యూర్ అండ్ క్యూర్ హెల్త్‌కేర్‌తో పాటు మరి కొన్ని కంపెనీలు తయారుచేస్తున్నాయి.

ప్రభుత్వరంగ సంస్థ అయిన హిందుస్థాన్ యాంటీబయాటిక్ లిమిటెడ్ (హెచ్ఏఎల్) ఉత్పత్తి చేసే మెట్రోనిడాజోల్ కూడా నాణ్యత పరీక్షల్లో విఫలమైన ఔషధాల జాబితాలో ఉంది. పొట్ట ఇన్ఫెక్షన్ల చికిత్సలో విస్తృతంగా దీనిని ఉపయోగిస్తుంటారు. ఆల్కెమ్ హెల్త్ సైన్స్ తయారు చేసే యాంటీబయాటిక్స్ ‘క్లావమ్ 625’, పాన్ డీ కూడా క్వాలిటీగా లేవని తేలింది.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)