Toothache Home Remedies: పంటి నొప్పిని భరించలేకపోతున్నారా? తక్షణ ఉపశమనం కోసం ఈ ఇంటి చిట్కాలను ప్రయత్నించండి, మీ నొప్పి మాయం!

Toothache Home Remedies: పంటి నొప్పి అనేది చాలా సాధారణమైన సమస్యే అయినప్పటికీ ఆ నొప్పిని భరించడం చాలా కష్టంగా, అసౌకర్యంగా అనిపిస్తుంది. నోరు తెరిచి సరిగ్గా మాట్లాడలేము, తినడానికి కూడా చాలా ఇబ్బంది ఉంటుంది. ఇది రోజువారీ జీవితానికి విఘాతం కలిగిస్తుంది. అందువల్ల, ఈ సమస్యకు సత్వర పరిష్కారం అవసరం. వీలైనంత త్వరగా దంత వైద్యుడిని సంప్రదించి సరైన రోగ నిర్ధారణ చేసుకొని, చికిత్స తీసుకోవడం చాలా అవసరం.

అయితే, ఈ లోపు పంటి నొప్పి నుంచి ఉపశమనం పొందడానికి కొన్ని మార్గాలను మీరు ప్రయత్నించవచ్చు. పంటి నొప్పిని తాత్కాలికంగా తగ్గించడంలో సహాయపడే అనేక శీఘ్ర పరిష్కారాలు, నివారణలు మీ ఇంట్లోనే ఉంటాయి. అవేంటి, ఏం చేస్తే బాధ నుంచి తక్షణ ఉపశమనం లభిస్తుందో కొన్ని హోం రెమెడీలను ఇక్కడ తెలుసుకోండి.

సాల్ట్ వాటర్ రిన్స్

ఉప్పు నీటితో నోరు పుక్కిలించడం అనేది పంటి నొప్పి నుండి ఉపశమనం పొందేందుకు ఒక సింపుల్ మరియు ప్రభావవంతమైన హోం రెమెడీ. ఉప్పునీరు మంటను తగ్గించడానికి, బ్యాక్టీరియాను చంపడానికి, చికిత్సను వేగవంతం చేయడానికి సహాయపడుతుంది. ఇదెలా చేయాలంటే.. ఒక గ్లాసు గోరువెచ్చని నీటిలో ఒక టీస్పూన్ ఉప్పును కరిగించి, సుమారు 30 సెకన్ల పాటు మీ నోటిలో పుక్కిలించండి, ఆపై ఆ నీటిని ఉమ్మివేయండి. నొప్పి నివారణకు అవసరమైన విధంగా రోజుకు పలుమార్లు దీన్ని పునరావృతం చేయండి.

కోల్డ్/ హాట్ కంప్రెస్

పంటి నొప్పి ఉన్నచోట వెలుపలి వైపు నుంచి మీ చెంప వద్ద చల్లని ఐస్ ప్యాక్ లేదా కోల్డ్ కంప్రెస్ అప్లై చేయాలి. ఇలా చేయడం వల్ల ఆ ప్రాంతాన్ని మొద్దుబారేలా చేయడంతోపాటు వాపు తగ్గించగలదు. ఒక సన్నని గుడ్డ లేదా టవల్‌లో కొన్ని ఐస్ క్యూబ్‌లను చుట్టి, ప్రభావిత ప్రాంతంలో 15-20 నిమిషాల పాటు పట్టుకోండి. ఏకధాటిగా అలాగే పట్టుకోకుండా ఐస్ బర్న్ నిరోధించడానికి మధ్య విరామం తీసుకోవాలని నిర్ధారించుకోండి. మీరు ఇదే తరహాలో హాట్ కంప్రెస్ కూడా చేయవచ్చు. ఒక శుభ్రమైన గుడ్డలో కొద్దిగా కల్లుప్పు వేసి దానిని పెనంపై వేడి చేసి నెమ్మదిగా నొప్పి ఉన్నవైపు చెంపపై అదిమి పట్టుకోండి, చర్మం కాల్చుకోకుండా జాగ్రత్తపడండి.

వెల్లుల్లి చూర్ణం

వెల్లుల్లిలో యాంటీమైక్రోబయల్, యాంటీ ఇన్‌ఫ్లమేటరీ లక్షణాలు ఉంటాయి, ఇవి పంటి నొప్పిని తగ్గించడంలో మరియు ఇన్‌ఫెక్షన్‌ను నివారించడంలో సహాయపడతాయి. వెల్లుల్లి రెబ్బను చూర్ణం చేసి, ఆపై దానిని నేరుగా ప్రభావితమైన పంటికి లేదా చిగుళ్ళకు వర్తించండి. దీనిని కొన్ని నిమిషాల పాటు అలాగే ఉంచి, ఆపై మీ నోటిని నీటితో శుభ్రంగా కడుక్కోండి. నొప్పి నుంచి ఉపశమనం కోసం అవసరమైతే ఈ విధానాన్ని రోజుకు పలుమార్లు పునరావృతం చేయండి.

లవంగం నూనె

లవంగం నూనెలో యూజినాల్ అనే సహజమైన సమ్మేళనం ఉంటుంది, ఇది మత్తుమందులా పనిచేసి నొప్పిని తగ్గించడానికి సహాయపడుతుంది, పంటి నొప్పికి సంబంధించిన వాపును తగ్గిస్తుంది. లవంగం నూనెను ఉపయోగించేందుకు, నూనెలో కాటన్ బంతిని నూనెలో ముంచి ప్రభావితమైన ప్రాంతంలో ఉంచండి. చిగుళ్ళకు నేరుగా వర్తించే ముందు అదనపు నూనెను పిండి వేయండి. లేదా లవంగం నూనెను ఆలివ్ ఆయిల్ వంటి క్యారియర్ నూనెలో కరిగించి, నొప్పి ఉన్న ప్రదేశంలో సున్నితంగా మసాజ్ చేయవచ్చు.

పెయిన్ రిలీవర్లు

ఇబుప్రోఫెన్ లేదా ఎసిటమైనోఫెన్ వంటి నాన్‌స్టెరాయిడ్ యాంటీ ఇన్ఫ్లమేటరీ డ్రగ్స్ పంటి నొప్పి, వాపు నుండి తాత్కాలిక ఉపశమనాన్ని అందిస్తాయి. అయితే సిఫార్సు చేయబడిన మోతాదును మించకుండా జాగ్రత్తపడండి. ఏదైనా ఔషధాలను తీసుకునే ముందు వైద్య నిపుణుడిని సంప్రదించడం చాలా అవసరం, ప్రత్యేకించి మీకు ఏవైనా అంతర్లీన ఆరోగ్య పరిస్థితులు ఉంటే లేదా ఇతర మందులు తీసుకుంటే లేదా మీరు గర్భంతో ఉన్నప్పుడు చాలా జాగ్రత్తలు పాటించాల్సి ఉంటుంది.

పంటి నొప్పిని విస్మరించడం లేదా చికిత్సను ఆలస్యం చేయడం మరింత తీవ్రమైన దంత సమస్యలకు దారితీయవచ్చు. కాబట్టి మీకు తాత్కాలికంగా నొప్పి తగ్గినా, వైద్యులను సంప్రదించడం మర్చిపోవద్దు.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)