QuickLY
Socially
Newdelhi, May 20: జపాన్‌కు (Japan) చెందిన ప్రముఖ ఐస్‌క్రీమ్‌ బ్రాండ్‌ (Ice Cream Brand) సెలాటో ఓ ప్రత్యేకమైన ఐస్ క్రీమ్ ను తయారుచేసింది. అత్యంత అరుదుగా దొరికే పదార్థాలతో కలిపి చేసిన ఈ ఐస్‌క్రీమ్‌ ప్రపంచంలోనే అత్యంత ఖరీదైనదిగా (World's Most Expensive Ice Cream) రికార్డు సాధించింది. ఈ ఐస్‌క్రీమ్‌ను 8,73,400 జపనీస్‌ యెన్‌ (భారత కరెన్సీలో దాదాపు రూ.5.2లక్షలు)ల చొప్పున విక్రయిస్తోంది.
World’s most expensive ice cream costs $6,696 per scoop https://t.co/Et879OlLK9 pic.twitter.com/te7W086Ws8
— New York Post (@nypost) May 18, 2023
ఎందుకు ఇంత ఖరీదు?
దీని తయారీలో ఉపయోగించిన వైట్‌ ట్రఫుల్‌ అనే అరుదైన పదార్థాన్ని ఇటలీలోని ఆల్బా నుంచి తెప్పించింది. ఈ ట్రఫుల్‌ ధర కిలోకు 2 మిలియన్‌ జపనీస్‌ యెన్‌లు ఉంటుందట. ఆల్బాలో మాత్రమే దొరికే దీని సువాసన చాలా ప్రత్యేకంగా ఉంటుంది. దీనివల్లే ఈ ఐస్‌క్రీమ్‌ ధర ఇంతగా ఉందట. దీంతో ప్రపంచంలోనే అత్యంత ఖరీదైన ఐస్‌క్రీమ్‌గా ఇది గిన్నిస్‌ రికార్డు సాధించింది.
