Tamil Nadu: పాఠాలు చెప్పే మాస్టారు, విద్యార్థినితో లైంగిక సంతృప్తి పొందాలనుకున్నాడు, కానీ అంతలోనే, దారుణం...

తమిళనాడులోని కోయంబత్తూరులో 12వ తరగతి విద్యార్థిని తన ఇంట్లో ఉరివేసుకుని ఆత్మహత్య చేసుకుంది. తల్లిదండ్రులు ఇంటి నుంచి బయటకు వెళ్లిన సమయంలో మైనర్ బాలిక ఈ దారుణమైన చర్య తీసుకుంది. బాలిక గదిలో నుంచి సూసైడ్ నోట్‌ను పోలీసులు స్వాధీనం చేసుకున్నారు. ఇందులో ముగ్గురి పేర్లను ప్రస్తావించారు.

కోయంబత్తూరులో నివసించే పొంతరిణి (17) ఓ ప్రైవేట్ స్కూల్‌లో చదువుతోంది. ఆమె 12వ తరగతి విద్యార్థిని. పొంతరిణి ఈ మధ్యనే స్కూల్‌కి వెళ్లడం మొదలుపెట్టింది. కానీ అకస్మాత్తుగా ఆమె తన ప్రస్తుత పాఠశాలను వదిలివేయడం గురించి మాట్లాడటం ప్రారంభించింది. ఆమె అక్కడికి వెళ్లడానికి ఇష్టపడలేదు. ఈ కారణంగా స్కూల్ నుంచి టీసీ కూడా తెచ్చుకుంది.

శుక్రవారం ఆమె తన గదిలో ఉరి వేసుకుని కనిపించింది. బాలిక గదిలో వెతకగా సూసైడ్ నోట్ కూడా లభ్యమైంది. అందులో ముగ్గురి పేర్లు ఉన్నాయి. బాలిక స్కూల్‌లోని ఓ టీచర్ తనను లైంగికంగా వేధిస్తున్నాడని ఆమె తల్లిదండ్రులు ఆరోపించారు. దీనిపై బాలిక కూడా ఫిర్యాదు చేసింది.

సమాచారం అందుకున్న పోలీసులు సంఘటనా స్థలానికి చేరుకుని బాలిక మృతదేహాన్ని స్వాధీనం చేసుకుని పోస్టుమార్టం నిమిత్తం తరలించారు. బాలిక తండ్రి మకుటేశ్వరన్ మాట్లాడుతూ, 'అధ్యాపకుడు మిథున్ చక్రవర్తిపై నా కుమార్తె ఫిర్యాదు చేసింది, కానీ అతనిపై ఎటువంటి చర్యలు తీసుకోలేదు. ప్రిన్సిపాల్ కూడా తన ఫిర్యాదును సీరియస్‌గా తీసుకోకపోవడంతో మిథున్ నా కుమార్తెను వేధిస్తూనే ఉన్నాడు.

బంధువుల ఫిర్యాదు మేరకు పోలీసులు ప్రైవేట్ స్కూల్ టీచర్ మిథున్ చక్రవర్తిపై పోక్సో చట్టంతో పాటు ఐపీసీలోని రెండు సెక్షన్ల కింద కేసు నమోదు చేశారు. నిందితుడైన ఉపాధ్యాయుడిపై IPC సెక్షన్ 306 , పోక్సో చట్టంలోని సెక్షన్ 9L R/W సెక్షన్ 20 కింద కేసు నమోదు చేయబడింది. నిందితుడిని పోలీసులు అరెస్ట్ చేశారు.