Rana Daggubati: దగ్గుబాటి రానాను అన్నయ్యా అంటూ సంబోధించిన స్వీటీ అనుష్క, స్టార్ హీరో ఇండస్ట్రీకి వచ్చి 12 ఏళ్లు అయిన సందర్భంగా ట్వీట్, Great going bro అంటూ స్వీటీ రిప్లయి

స్టార్ హీరో రానా దగ్గుబాటి ఇండస్ట్రీకి వచ్చి 12 ఏళ్లు పూర్తైంది. ఈ విషయాన్ని రానా ట్వీట్‌ ద్వారా తెలియజేశాడు. అర్జున్‌ ప్రసాద్‌(లీడర్‌) నుంచి డేనియల్‌ శంకర్‌(భీమ్లా నాయక్‌) వరకు.. అప్పుడే 12 ఏళ్లు పూర్తయ్యాయి. నన్ను ఎంతగానో ఆదరిస్తున్న మీ అందరికీ ధన్యవాదాలు.. మున్ముందు కూడా కొత్త కొత్త కథలు, పాత్రలను మీకు పరిచయం చేస్తాను' అని హామీ ఇచ్చాడు. ఇది చూసిన నెటిజన్లు రానాకు శుభాకాంక్షలు చెప్తూ ఆయన చేసిన సినిమాల్లో తమకేది ఎక్కువ ఇష్టం అనేది చర్చిస్తున్నారు. ఇదిలా ఉంటే స్వీటీ అనుష్క శెట్టి రానా ట్వీట్‌ 'ఇలాగే ముందుకు సాగు బ్రో' అని రిప్లై ఇచ్చింది. ఇది చూసిన జనాలు స్వీటీ తన అన్నయ్యకు రిప్లై ఇచ్చిందిరో.. అంటూ కామెంట్లు చేస్తున్నారు.