Shashi Tharoor:మోదీ గారు..అందరికీ ఉచిత వ్యాక్సిన్‌ అందించండి, బెడ్ మీద నుంచే కేంద్రాన్ని డిమాండ్ చేసిన శిశిథరూర్, కోవిడ్ బారిన పడి చికిత్స పొందుతున్న కాంగ్రెస్ ఎంపీ

దేశంలోని ప్రతి ఒక్కరికీ డిసెంబర్ కల్లా వ్యాక్సినేషన్ ఇస్తామనే గడువుకు ప్రభుత్వం కట్టుబడి ఉండాలని కోవిడ్ బారిన పడి చికిత్స పొందుతున్న కాంగ్రెస్ ఎంపీ శశి థరూర్ అన్నారు. రాష్ట్రాలే వ్యాక్సిన్ సేకరించుకోవాలంటూ కేంద్రం తీసుకున్న నిర్ణయం ఎంతమాత్రం ఆమోదయోగ్యం కాదని శశిథరూర్ పేర్కొన్నారు. భారతీయులందరికీ యూనివర్శల్ వ్యాక్సినేషన్ అందజేసేలా ప్రభుత్వ విధానంలో భారీ మార్పులు చేయాలంటూ భారత జాతీయ కాంగ్రెస్ చేపట్టిన విస్తృత ప్రచారానికి తాను మద్దతిస్తున్నానని, డిసెంబర్‌లోగా దేశంలోని ప్రతి ఒక్కరికీ ఉచిత వ్యాక్సిన్ ఇవ్వాలని శశిథరూర్ మరోసారి కేంద్రాన్ని డిమాండ్ చేశారు. దేశాన్ని కోవిడ్ నుంచి కాపాడేందుకు సార్వత్రిక, ఉచిత టీకాల పంపిణీ చేపడదాం.. నేను బాధలో, నాకన్నా మించి ఇతరులు పడ్డ బాధల్లో అణువంతైనా కూడా ఇతరులు అనుభవించాలని అనుకోవడం లేదు” అన్నారు.