Karnataka: మైసూరులో ప్రధాని మోదీ రోడ్ షోతో రహదారి అపవిత్రం, గో మూత్రం,పేడతో ఆ మార్గాన్ని శుభ్రం చేసిన కాంగ్రెస్ శ్రేణులు, ముగ్గురిపై కేసు నమోదు

ప్రధాని మోదీ (PM Modi) రోడ్‌ షో (Road Show) నిర్వహించిన మార్గాన్ని కాంగ్రెస్‌ (Congress) శ్రేణులు గో మూత్రం, పేడ (cow dung)తో శుభ్రం చేశాయి. కర్ణాటక అసెంబ్లీ ఎన్నికల సమయంలో మైసూర్ కేఆర్‌ సర్కిల్ (Mysore KR circle) నుంచి హైవే సర్కిల్ వరకు ఈ రోడ్‌ షో ప్రధాని మోదీ రోడ్ నిర్వహించిన సంగతి విదితమే. మోదీ రోడ్‌ షో కారణంగా ఆ మార్గం అపవిత్రమైందని కాంగ్రెస్‌ శ్రేణులు ఆరోపించారు. ఈ మేరకు ఆ రహదారిని ఆవు మూత్రం, పేడతో శుభ్రం చేశారు. రాజమార్గంలో మోదీ రోడ్‌ షో నిర్వహించడం చాలా పెద్ద తప్పని.. ఇది మైసూర్‌ రాజకుటుంబాన్ని అవమానించడమే అవుతుందని వారు తెలిపారు. అయితే క్లీనింగ్‌ పనులను పోలీసులు అడ్డుకున్నారు. ఈ కార్యక్రమంతో ప్రజలకు ఇబ్బందులు కలిగిస్తున్నారని ముగ్గురిపై కేసు నమోదు చేశారు.