AP IAS Transfers: ఏపీలో భారీగా ఐఏఎస్ అధికారుల బదిలీ.. ఒకేసారి 56 మందికి స్థాన చలనం.. జాబితాలో 8 జిల్లాల కలెక్టర్లు కూడా.. ఉత్తర్వులు జారీ చేసిన ప్రధాన కార్యదర్శి
ఆంధ్రప్రదేశ్ ప్రభుత్వం పెద్ద సంఖ్యలో ఐఏఎస్ అధికారులకు స్థాన చలనం కల్పించింది. ఒకటి కాదు రెండు కాదు ఏకంగా ఎనిమిది జిల్లాల కలెక్టర్లు సహా 56 మంది అధికారులను బదిలీ చేస్తూ ప్రభుత్వ ప్రధాన కార్యదర్శి కె.ఎస్.జవహర్రెడ్డి గురువారం అర్ధ రాత్రి ఉత్తర్వులు (జీవో 635) జారీ చేశారు.
Vijayawada, April 7: ఆంధ్రప్రదేశ్ (Andhrapradesh) లోని జగన్ (Jagan) ప్రభుత్వం పెద్ద సంఖ్యలో ఐఏఎస్ అధికారులకు (IAS Officers) స్థాన చలనం (Transfers) కల్పించింది. ఒకటి కాదు రెండు కాదు ఏకంగా ఎనిమిది జిల్లాల కలెక్టర్లు (Collectors) సహా 56 మంది అధికారులను బదిలీ చేస్తూ ప్రభుత్వ ప్రధాన కార్యదర్శి కె.ఎస్.జవహర్రెడ్డి గురువారం అర్ధ రాత్రి ఉత్తర్వులు (జీవో 635) జారీ చేశారు. ముందస్తు ఎన్నికలకు వెళ్తారన్న ప్రచారం జరుగుతుండగా.. ఒకేసారి ఇంత మంది అధికారులను బదిలీ చేయడం చర్చనీయాంశమైంది. షెడ్యూల్ ప్రకారం వచ్చే వేసవిలో సార్వత్రిక ఎన్నికలు జరగనున్నాయి.
ఎవరెవరు ఎక్కడికి?
- విజయనగరం కలెక్టర్ ఎ.సూర్యకుమారిని పంచాయతీరాజ్ కమిషనర్గా బదిలీ
- కర్నూలు కలెక్టర్ పి.కోటేశ్వరరావును పురపాలక శాఖ కమిషనర్గా స్థానచలనం
- అనంతపురం కలెక్టర్ నాగలక్ష్మిని విజయనగరం కలెక్టర్గా బదిలీ
- పరిశ్రమల శాఖ డైరెక్టర్గా ఉన్న సృజనను కర్నూలు కలెక్టర్గా స్థానచలనం
- కృష్ణా జిల్లా కలెక్టర్ రంజిత్ బాషాను బాపట్ల కలెక్టర్గా నియామకం
- జీవీఎంసీ కమిషనర్ పి.రాజాబాబును కృష్ణా కలెక్టర్గా నియామకం
- గవర్నర్కు ప్రత్యేక ప్రధాన కార్యదర్శిగా పనిచేసిన ప్రస్తుతం వెయిటింగ్ లో ఉన్న ఆర్పీ సిసోడియాను బాపట్లలోని మానవ వనరుల విభాగం (హెచ్ఆర్డీ) డైరెక్టర్ జనరల్గా బదిలీ
- దేవదాయ శాఖ కమిషనర్ హరి జవహర్లాల్ను కార్మిక శాఖ కమిషనర్గా బదిలీ
- స్కిల్ డెవల్పమెంట్ కార్పొరేషన్ ఎండీగా ఉన్న ఎస్.సత్యనారాయణను దేవదాయ శాఖ కమిషనర్ గా స్థాన చలనం
- జెన్కో, ట్రాన్స్కో ఎండీగా ఉన్న బి.శ్రీధర్ను రాష్ట్ర కాలుష్య నియంత్రణ మండలి (పీసీబీ) సభ్య కార్యదర్శిగా బదిలీ
- నెల్లూరు కలెక్టర్ కేవీఎన్ చక్రధర్బాబును జెన్కో ఎండీగా స్థాన చలనం
(The above story first appeared on LatestLY on Apr 07, 2023 08:35 AM IST. For more news and updates on politics, world, sports, entertainment and lifestyle, log on to our website latestly.com).
