Bank Staffer Dies by Suicide: సంక్రాంతికి ఊరికి వెళ్లేందుకు రెడీ అవుతూ మేడ మీద నుంచి దూకి బ్యాంక్ ఉద్యోగిని ఆత్మహత్య, పని ఒత్తితే కారణమని అనుమానాలు

Hyd, Jan 10: హైదరాబాద్ లోని బాచుపల్లిలో గురువారం విషాదకర ఘటన చోటుచేసుకుంది. బ్యాంకులో పని ఒత్తిడి తట్టుకోలేక ఓ మహిళా అసిస్టెంట్ మేనేజర్ ఆత్మహత్యకు పాల్పడ్డారు.విధులు ముగించుకుని బ్యాంకు నుంచి ఇంటికి తిరిగి వచ్చి తర్వాత తను ఉంటున్న అపార్ట్ మెంట్ పైనుంచి దూకి బలవన్మరణానికి పాల్పడ్డారు. స్థానికులు హుటాహుటిన ఆసుపత్రికి తరలించగా.. చికిత్స పొందుతూ ఆమె మరణించారు.

విషాదకర ఘటనపై బాచుపల్లి పోలీస్ స్టేషన్ ఇన్‌స్పెక్టర్, మృతురాలి భర్త, స్థానికులు తెలిపిన వివరాల ప్రకారం.. ఆంధ్రప్రదేశ్‌లోని పిఠాపురానికి చెందిన కోట సత్యలావణ్య (32), బత్తుల వీరమోహన్ దంపతులు హైదరాబాద్ లో నివాసం ఉంటున్నారు. సత్యలావణ్య బ్యాంక్ ఆఫ్ ఇండియా రాజీవ్ గాంధీ నగర్ శాఖలో అసిస్టెంట్ మేనేజర్ గా పనిచేస్తుండగా.. వీరమోహన్ సాఫ్ట్ వేర్ ఉద్యోగం చేస్తున్నారు. ఈ దంపతులు బాచుపల్లిలోని కేఆర్‌సీఆర్ కాలనీలోని ఎంఎన్ రెసిడెన్సీలో నివాసం ఉంటున్నారు.

ఆకస్మిక గుండెపోటుతో కుప్పకూలి మృతి చెందిన హెచ్‌డిఎఫ్‌సి బ్యాంక్ ఉద్యోగి, పని ఒత్తిడే నా భార్త చావుకు కారణమని భార్య ఆరోపణలు

అయితే బ్యాంకులో పని ఒత్తిడి ఎక్కువగా ఉంటోందని సత్యలావణ్య కొంత కాలంగా తనతో చెప్పేదని వీరమోహన్ చెప్పారు. ఈ క్రమంలోనే సంక్రాంతి పండుగకు శుక్రవారం సొంతూరుకు వెళ్లేందుకు ఏర్పాట్లు చేసుకున్నట్లు ఆయన వివరించారు. గురువారం మధ్యాహ్నం బ్యాంకులో అనుమతి తీసుకుని ఇంటికి వెళ్లిన సత్యలావణ్య నేరుగా ఎంఎన్ రెసిడెన్సీ అపార్ట్ మెంట్ కు చేరుకుని టెర్రస్ పైకి వెళ్లారు. అక్కడి నుంచి కిందకు దూకడంతో తీవ్ర గాయాలయ్యాయి. రక్తపుమడుగులో పడి ఉన్న సత్యలావణ్యను స్థానికులు ఎస్ఎల్ జీ ఆసుపత్రికి తరలించారు. అయితే, అప్పటికే ఆమె పరిస్థితి విషమించిందని, చికిత్స అందించినా కాపాడలేకపోయామని వైద్యులు తెలిపారు.

ఆమె మృతికి దారితీసిన ఖచ్చితమైన పరిస్థితులను తెలుసుకోవడానికి దర్యాప్తు జరుగుతోందని బాచుపల్లి పోలీస్ స్టేషన్ ఇన్‌స్పెక్టర్ ఉపేందర్ తెలిపారు. పోలీసులు కేసు నమోదు చేసి ఆమె కుటుంబ సభ్యులు, స్నేహితులు, సహోద్యోగుల నుంచి వాంగ్మూలాలను సేకరించే పనిలో ఉన్నారు. మృతదేహాన్ని పోస్టుమార్టం నిమిత్తం తరలించారు.

Suicide Prevention and Mental Health Helpline Numbers:

Tele Manas (Ministry of Health) – 14416 or 1800 891 4416; NIMHANS – + 91 80 26995000 /5100 /5200 /5300 /5400; Peak Mind – 080-456 87786; Vandrevala Foundation – 9999 666 555; Arpita Suicide Prevention Helpline – 080-23655557; iCALL – 022-25521111 and 9152987821; COOJ Mental Health Foundation (COOJ) – 0832-2252525.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)