Cyber Nude Call: ఇంజినీరింగ్ విద్యార్థికి యువతి నగ్న వీడియో కాల్.. ఘట్‌ కేసర్‌ లో మరో స్కాం.. ఏంటది??
హైదరాబాద్ లోని ఘట్‌ కేసర్‌ లో దారుణం చోటు చేసుకుంది. ఓ ఇంజినీరింగ్ విద్యార్థికి ఓ అనామక యువతి నగ్న వీడియో కాల్ చేసి.. డబ్బులు వసూలు చేసింది.
Hyderabad, Nov 23: హైదరాబాద్ (Hyderabad) లోని ఘట్‌ కేసర్‌ లో దారుణం చోటు చేసుకుంది. ఓ ఇంజినీరింగ్ విద్యార్థికి ఓ అనామక యువతి నగ్న వీడియో కాల్ (Nude Video Call) చేసి.. డబ్బులు వసూలు చేసింది. ఈ ఘటన పోచారం ఐటీ కారిడార్ లో జరిగింది. పూర్తి వివరాల్లోకి వెళ్తే.. ఆదిలాబాద్ కు చెందిన ఓ విద్యార్థి (22) ఘట్‌ కేసర్‌ లోని ఓ ఇంజినీరింగ్ కాలేజ్ లో బీటెక్ చేస్తున్నాడు. కాలేజీ సమీపంలోనే ఇల్లు అద్దెకు తీసుకొని ఉంటున్నాడు. ఈ క్రమంలో గురువారం రాత్రి తన వాట్సాప్‌ కు దీక్షికా అగర్వాల్‌ పేరిట వీడియో కాల్ వచ్చింది. ‘ఎలా ఉన్నావ్.. బాగున్నావా.. ఎలా చదువుతున్నావు.. పరీక్షలు ఎప్పుడు..’ అంటూ ఆ యువతి మాట్లాడటం మొదలు పెట్టింది. ఈ తరుణంలోనే… యువతి అడిగిన ప్రశ్నలకు సదరు విద్యార్థి సమాధానం చెప్తుండగా హఠాత్తుగా ఆ యువతి నగ్నంగా మారిందని బాధితుడు చెప్పాడు.
మూడు విడతలుగా రూ. 20 వేలు
ఆ వెంటనే ఆ దృశ్యాలను రికార్డు చేసిన సదరు యువతి ఆ నగ్న వీడియోను సదరు విద్యార్థికి పంపింది. తనకు డబ్బులు ఇవ్వకపోతే కుటుంబ సభ్యులకు, స్నేహితులకు ఈ వీడియో పంపిస్తానని బెదిరింపులకు పాల్పడిందని బాధితుడు వాపోయాడు. మూడు విడతలుగా రూ. 20 వేల మేర ఆన్‌ లైన్‌ లో డబ్బులు పంపినా కూడా మరోసారి బెదిరింపులు రావడంతో భయపడి పోయి పోలీసులను ఆ విద్యార్ధి ఆశ్రయించాడు. దీనిపై కేసు నమోదు చేసుకున్న పోలీసులు దర్యాప్తు మొదలు పెట్టారు.
(The above story first appeared on LatestLY on Nov 23, 2024 09:14 AM IST. For more news and updates on politics, world, sports, entertainment and lifestyle, log on to our website latestly.com).
