AI Nudify Apps: న్యూడ్ గా మారిపోతున్న టెక్నాలజీ.. బట్టలు వేసుకున్న మనిషిని నగ్నంగా మార్చుతున్న యాప్స్.. ఏఐ భవిష్యత్తుపై తీవ్ర ఆందోళన..

AI Nudify Apps: కృత్రిమ మేధ (AI) సాంకేతికత వేగంగా అభివృద్ధి చెందుతున్న కొద్దీ, దాని దుర్వినియోగం తీవ్రమైన భద్రతా ఆందోళనలను రేకెత్తిస్తోంది. ముఖ్యంగా సాధారణ ఫోటోలలోని దుస్తులను డిజిటల్‌గా తొలగించి క్షణాల్లో అశ్లీల చిత్రాలుగా మార్చే "nudify" యాప్‌ల విస్తరణ సాంకేతిక ప్రపంచంలో పెద్ద ముప్పుగా మారింది.

మెటాలో రక్షణ లేదు.. నా కూతురుకే పురుషాంగం ఫోటోలు పంపారు.. మెటా మాజీ ఇంజినీర్ ఆర్టురో బెజార్ సంచలన వ్యాఖ్యలు..

ఈ యాప్‌ల పనితీరు అత్యంత ఆందోళనకరంగా ఉంది. ఎలాంటి సాంకేతిక నైపుణ్యం లేని వ్యక్తి అయినా పూర్తి దుస్తులతో ఉన్న ఫోటోను అప్‌లోడ్ చేసి, ఒక సాధారణ టెక్స్ట్ ప్రాంప్ట్ ఇవ్వడం ద్వారా కేవలం 30 సెకన్లలోనే నకిలీ అశ్లీల చిత్రాన్ని సృష్టించగలుగుతున్నారు. ఒక అంతర్జాతీయ మీడియా సంస్థ నిర్వహించిన దర్యాప్తులో యాప్ స్టోర్లలోని అనేక ఫోటో ఎడిటింగ్ యాప్‌లు ఇలాంటి అభ్యంతరకర కంటెంట్‌ను సులువుగా ఉత్పతి చేస్తున్నట్లు వెల్లడైంది. అంతేకాకుండా.. ఈ యాప్‌లకు సరైన వయోపరిమితి నిబంధనలు లేకపోవడంతో టీనేజర్లు, మైనర్లు కూడా వీటిని సులభంగా యాక్సెస్ చేస్తున్నారు.

 How AI ‘Nudify’ Apps Work

ఈ వ్యవహారంపై ప్రపంచ టెక్ దిగ్గజాలు స్పందిస్తూ.. తమ ప్లాట్‌ఫామ్‌ల నుండి నిబంధనలను ఉల్లంఘించిన వందలాది యాప్‌లను తొలగించినట్లు తెలిపాయి. ఆపిల్, గూగుల్ సంస్థలు తమ విధానాలు అశ్లీల కంటెంట్‌ను ఖచ్చితంగా నిరోధిస్తాయని.. యూజర్లు ఫ్లాగ్ చేసిన యాప్‌లపై తక్షణమే చర్యలు తీసుకుంటున్నామని స్పష్టం చేశాయి. మెటా కూడా తమ ప్లాట్‌ఫామ్‌లలో ఈ తరహా యాప్‌ల ప్రకటనలను నిలిపివేసింది.

అయితే కేవలం ఫిర్యాదులు వచ్చిన తర్వాత యాప్‌లను తొలగించడం కంటే, వాటిని స్టోర్లలోకి అనుమతించే ముందే కఠినమైన తనిఖీలు చేపట్టాలని బాలల భద్రతా నిపుణులు, చట్ట అమలు సంస్థలు కోరుతున్నాయి. తోటి విద్యార్థులే ఇటువంటి చర్యలకు పాల్పడుతూ క్రిమినల్ కేసులను ఎదుర్కొంటున్నారని, ఏఐ సాధనాలు ఇలాంటి దుశ్చర్యలను సులభతరం చేయడం పట్ల ఆందోళన వ్యక్తం చేస్తున్నారు.