Queen Elizabeth II: క్వీన్ ఎలిజబెత్ ఆరోగ్య పరిస్థితి విషమం, రాజభవనానికి వెళ్లిన కుటుంబ సభ్యులు, వైద్యుల పర్యవేక్షణలో క్వీన్ ఎలిజబెత్, ఆందోళనలో బ్రిటన్ ప్రజలు
ఇవాళ ఉదయం ఎలిజబెత్-2 (Elizabeth II) ఆరోగ్య పరిస్థితిని పరిశీలించిన తర్వాత ఆమె ఆరోగ్యంపై వైద్యులు ఆందోళన వ్యక్తం చేశారు. ఆమె వైద్యుల పర్యవేక్షణలో ఉండాలని సూచించారు’’ అని బకింగ్‌హామ్ ప్యాలెస్ (Buckingham Palace) పేర్కొంది. ఎలిజబెత్-II ఆరోగ్యంపై ఆమె కుటుంబ సభ్యులు స్పందిస్తూ.. ‘‘రాణి ఆరోగ్యం నిలకడగానే ఉంది. ఆమె ప్రస్తుతం బల్మోరల్ కోటలో ఉన్నారు’’ అని చెప్పారు
Scotland, SEP 09: సుదీర్ఘకాలంగా బ్రిటన్ రాణి (Queen) హోదాలో కొనసాగుతున్న ఎలిజబెత్-II (96) (Elizabeth II) అస్వస్థతకు గురయ్యారు. ప్రస్తుతం ఆమె స్కాట్లాండ్ లోని ఆమె నివాసం బల్మోరల్ కోటలో వైద్యుల పర్యవేక్షణలో ఉన్నట్లు బకింగ్‌హామ్ ప్యాలెస్ (Buckingham Palace) ఓ ప్రకటనలో తెలిపింది. దాంతో రాజకుటుంబానికి చెందిన సభ్యులంతా వెంటనే బకింగ్‌హామ్ ప్యాలెస్ కు వెళ్లారు. ‘‘ఇవాళ ఉదయం ఎలిజబెత్-2 (Elizabeth II) ఆరోగ్య పరిస్థితిని పరిశీలించిన తర్వాత ఆమె ఆరోగ్యంపై వైద్యులు ఆందోళన వ్యక్తం చేశారు. ఆమె వైద్యుల పర్యవేక్షణలో ఉండాలని సూచించారు’’ అని బకింగ్‌హామ్ ప్యాలెస్ (Buckingham Palace) పేర్కొంది. ఎలిజబెత్-II ఆరోగ్యంపై ఆమె కుటుంబ సభ్యులు స్పందిస్తూ.. ‘‘రాణి ఆరోగ్యం నిలకడగానే ఉంది. ఆమె ప్రస్తుతం బల్మోరల్ కోటలో ఉన్నారు’’ అని చెప్పారు. కాగా, ఆమెకు నిన్నటి నుంచే ఆరోగ్యం సరిగ్గా లేదని తెలుస్తోంది.
నిన్న ఎలిజబెత్-II కీలక సమావేశాలను వాయిదా వేశారు. నిన్న ఆమె ప్రివీ కౌన్సిల్ సమావేశంలో వర్చువల్ విధానంలో పాల్గొనాల్సి ఉండగా అది వాయిదా పడింది. ఎలిజబెత్-II ను రెండు రోజుల క్రితమే బ్రిటన్ మాజీ ప్రధాని బోరిస్ జాన్సన్, కొత్త ప్రధాని లిజ్ ట్రస్ కలిసిన విషయం తెలిసిందే.
ఎలిజబెత్-II కు బోరిస్ జాన్సన్ (Boris Jhonson) అధికారికంగా రాజీనామా లేఖను సమర్పించగా, అందుకు ఆమె అంగీకరించారు. అనంతరం ఎలిజబెత్-IIను లిజ్ ట్రస్ కలిసి ప్రధానిగా బాధ్యతలు చేపట్టారు. ఎలిజబెత్-2 ఆరోగ్య పరిస్థితిపై లిజ్ ట్రస్ స్పందించారు. ‘‘బకింగ్‌హామ్ ప్యాలెస్ ప్రకటించిన ఈ విషయం పట్ల దేశం మొత్తం ఆందోళన చెందుతోంది. ఈ సమయంలో రాణి, ఆమె కుటుంబ సభ్యుల గురించే నాతో పాటు దేశ ప్రజల ఆలోచనలు ఉన్నాయి’’ అంటూ లిజ్ ట్రస్ ట్వీట్ చేశారు.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)