Most Searched Movies 2023: షారుక్ ఖాన్ కు తెగ క‌లిసి వ‌చ్చిన 2023, గూగుల్ సెర్చ్ తో బాలీవుడ్ బాద్ షా హ‌వా, ఈ సంవ‌త్స‌రం నెటిజ‌న్లు తెగ వెతికిన టాప్-10 సినిమాలివే!

New Delhi, DEC 13: ఇంకా కొద్దిరోజులే! మరో 20 రోజుల్లో పాత సంవత్సరం ముగిసి కొత్త సంవత్సరం (New Year) ప్రారంభం కాబోతుంది. దీంతో న్యూఇయర్‌ను గ్రాండ్‌గా సెలబ్రేట్‌ చేసుకునేందుకు అంతా సిద్ధమవుతున్నారు. అదే సమయంలో పాత సంవత్సరంలో సంపాదించుకున్న మధురస్మృతులను నెమరేసుకుంటున్నారు. ఈ క్రమంలోనే ప్రముఖ సెర్చింజన్‌ గూగుల్‌ (Google) కూడా 2023 సంవత్సరంలో ఎవరెవరు ఏమేమీ వెతికారు? ఏ అంశాల గురించి సెర్చ్‌ చేశారనే విషయాలను వరుసగా వెల్లడిస్తున్నది. తాజాగా 2023 సంవత్సరంలో భారతీయులు అత్యధిక వెతికిన టాప్‌-10 చిత్రాల జాబితాను విడుదల చేసింది. ఈ ఏడాది షారుక్‌ఖాన్‌కు (Sharukh Khan) బాగా కలిసొచ్చింది. వరుసగా పఠాన్‌, జవాన్‌ సినిమాలో భారతీయ సినీ చరిత్రలో సంచలనం సృష్టించాడు. బాలీవుడ్‌కు ఎప్పటికీ తానే బాద్‌షా అని నిరూపించుకున్నాడు. తాజాగా గూగుల్‌ విడుదల చేసిన టాప్‌-10 చిత్రాల జాబితా కూడా అదే వెల్లడించింది. అందుకే ఈ ఏడాది షారుక్‌ నటించిన రెండు సినిమాలు కూడా టాప్‌-10 జాబితాలో చోటు దక్కించుకున్నాయి. వీటితోపాటు సైలెంట్‌గా విడుదలై సంచలనం సృష్టించిన గదర్‌-2, ది కేరళ ఫైల్స్‌ కూడా ఈ జాబితాలో నిలిచాయి.

Guntur Kaaram Update: గుంటూరు కారం నుంచి లేటెస్ట్ అప్‌డేట్, అమ్ము.. ర‌మ‌ణ గాడు గుర్తు పెట్టుకో గుంటూరు వస్తే పనికొస్తది.. ఓ మై బేబీ అంటూ సాగే ప్రోమో సాంగ్ విడుదల 

పాన్‌ ఇండియా సూపర్‌స్టార్‌ ప్రభాస్‌ నటించిన ఆదిపురుష్‌, సల్మాన్‌ఖాన్‌ నటించిన టైగర్‌-3, కూడా టాప్‌-10లో నిలిచాయి. ఇక చాలా రోజుల తర్వాత రజినీకాంత్‌కు బంపర్‌ హిట్‌ ఇచ్చిన జైలర్‌, దళపతి విజయ్‌ నటించిన లియో, వారిసు సినిమాలు కూడా టాప్‌-10లో చోటు దక్కించుకున్నాయి. హాలీవుడ్‌ చిత్రం ఓపెన్‌హైమర్‌ కూడా ఈ లిస్ట్‌లో ప్లేస్‌ దక్కించుకోవడం విశేషం.

గూగుల్‌ ప్రకటించిన టాప్‌-10 మూవీస్‌

1. జవాన్‌

2. గదర్‌-2

3. ఓపెన్‌హైమర్‌

4. ఆదిపురుష్‌

5. పఠాన్‌

6. ది కేరళ స్టోరీ

7. జైలర్‌

8. లియో

9. టైగర్‌-3

10. వారిసు

టాప్‌-10 ఓటీటీ వెబ్‌ సిరీస్‌లు/ ట్రెండింగ్‌ షోస్‌

1. ఫర్జీ

2. వెడ్‌నెస్‌ డే

3. అసుర్‌

4. రానా నాయుడు

5. ది లాస్ట్‌ ఆఫ్‌ అస్‌

6. స్కామ్‌ 2003

7. బిగ్‌బాస్‌ 17

8. గన్స్‌ అండ్‌ గులాబ్స్‌

9. సెక్స్‌/లైఫ్‌

10. తాజా ఖబర్‌

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)