Ration Card e-KYC Date Extended: రేషన్ కార్డుదారులకు గుడ్ న్యూస్.. ఈ-కేవైసీ గడువు పొడిగింపు.. ఫిబ్రవరి నెలాఖరు వరకు గడువు పెంపు.. చాలా రాష్ట్రాల్లో ఈ-కేవైసీ ధ్రువీకరణ పూర్తికాకపోవడమే కారణం
రేషన్ కార్డుల ఈ-కేవైసీ గడువును కేంద్ర ప్రభుత్వం మరోసారి పొడిగించింది. ఈ నెలాఖరుతో గడువు ముగియనుండగా దానిని ఫిబ్రవరి నెలాఖరు వరకు పెంచుతూ ఆదేశాలు జారీ చేసింది.
Newdelhi, Jan 28: రేషన్ కార్డుదారులకు (Ration Card) శుభవార్త. రేషన్ కార్డుల ఈ-కేవైసీ (e-KYC) గడువును కేంద్ర ప్రభుత్వం మరోసారి పొడిగించింది (Deadline Extended). ఈ నెలాఖరుతో గడువు ముగియనుండగా దానిని ఫిబ్రవరి నెలాఖరు వరకు పెంచుతూ ఆదేశాలు జారీ చేసింది. బోగస్ కార్డుల ఏరివేతలో భాగంగా ప్రభుత్వం ఈ-కేవైసీని తీసుకొచ్చి జనవరి 31లోగా లబ్ధిదారులు తమ వేలిముద్రలతో రేషన్ కార్డును ధ్రువీకరించుకోవాలని కోరింది. గడవు సమీపిస్తున్నప్పటికీ చాలా రాష్ట్రాల్లో ఇంకా ఈ ప్రక్రియ పూర్తికాలేదు.
తెలంగాణలో పరిస్థితి ఎలా అంటే?
తెలంగాణలో ఇప్పటి వరకు 75.76 శాతం మంది మాత్రమే రేషన్.. ఈ-కేవైసీ ప్రక్రియను పూర్తిచేసుకున్నారు. ఈ నేపథ్యంలో గడువును ఫిబ్రవరి నెలాఖరు పెంచారు. ఆలోగా వందశాతం ఈ-కేవైసీని పూర్తిచేయాలని పౌరసరఫరాలశాఖ కమిషనర్ డీఎస్ చౌహాన్ అన్ని జిల్లాల అదనపు కలెక్టర్లు, హైదరాబాద్ చీఫ్ రేషనింగ్ ఆఫీసర్‌ను ఆదేశించారు.