Sexual Assault Case: ఆ వీడియోలు చూపిస్తూ బాలుడిపై టీచర్ పదే పదే అత్యాచారం, బయటకు చెబితే చెరువులో ముంచి చంపేస్తానని బెదిరింపులు, 56 ఏళ్ళు జైలు శిక్ష విధించిన కేరళ కోర్టు
ఇస్లామిక్ తరగతులకు వెళ్లిన మైనర్ బాలుడిపై పదే పదే లైంగిక వేధింపులకు పాల్పడిన కేసులో వృద్ధుడిని కేరళ కోర్టు దోషిగా నిర్ధారించి 56 ఏళ్ల జైలు శిక్ష విధించింది.
తిరువనంతపురం, జూన్ 12: ఇస్లామిక్ తరగతులకు వెళ్లిన మైనర్ బాలుడిపై పదే పదే లైంగిక వేధింపులకు పాల్పడిన కేసులో వృద్ధుడిని కేరళ కోర్టు దోషిగా నిర్ధారించి 56 ఏళ్ల జైలు శిక్ష విధించింది. తిరువనంతపురం ఫాస్ట్ ట్రాక్ స్పెషల్ కోర్ట్ (పోక్సో) న్యాయమూర్తి ఆర్ రేఖ ఆ వ్యక్తికి లైంగిక నేరాల నుండి పిల్లల రక్షణ (పోక్సో) చట్టం, ఐపిసి కింద అనేక నేరాలకు సంబంధించి మొత్తం 56 సంవత్సరాల పాటు జైలు శిక్ష విధించారు. అయితే ఈ శిక్షలు ఏకకాలంలోనే అనుభవించాల్సి ఉండడంతో పాటు ఆ వ్యక్తికి అత్యధికంగా 20 ఏళ్ల జైలు శిక్ష విధించినందున 20 ఏళ్ల జైలు శిక్ష అనుభవించాల్సి ఉంటుందని స్పెషల్ పబ్లిక్ ప్రాసిక్యూటర్ (ఎస్పీపీ) ఆర్ఎస్ విజయ్ మోహన్ తెలిపారు. కోర్టు దోషికి రూ.75,000 జరిమానా కూడా విధించింది. యూపీలో దారుణం, పోర్న్ వీడియోలు చూసి పక్కనే నిద్రిస్తున్న చెల్లెలుపై అత్యాచారం, బయటకు చెబుతుందనే భయంతో గొంతు కోసి హత్య
ప్రాసిక్యూషన్ ప్రకారం, అక్టోబర్ 2020, జనవరి 2021 మధ్య, అప్పటి 11 ఏళ్ల బాలుడు మతపరమైన తరగతుల కోసం ఇస్లామిక్ పండితుడి వద్దకు వెళ్ళినప్పుడు అనేక సందర్భాల్లో లైంగిక వేధింపులకు గురయ్యాడు.లైంగిక వేధింపుల గురించి ఎవరికైనా చెబితే బాలుడిని చెరువులో ముంచి చంపేస్తానని కూడా నిందితుడు బెదిరించాడని బాధితుడు తెలిపారు. అంతేకాకుండా, నిందితుడు తన మొబైల్, ఇతర అశ్లీల మాధ్యమాల నుండి మహిళల నగ్న చిత్రాలను కూడా బాలుడికి చూపించాడని ప్రాసిక్యూషన్ తెలిపింది.