Man Lifting Bike Over Train Barrier: నా ముందే రైలు గేటు వేస్తారా? అనుకున్నడో ఏమో.. రైల్వే క్రాసింగ్ ను దాటేందుకు.. ఈ బైకర్ ఏం చేశాడో తెలుసా? (వైరల్ వీడియో)
రైలు క్రాసింగ్ వద్ద గేటు వేస్తే కొందరు సెకన్ల వ్యవధి కూడా వెయిట్ చెయ్యలేరు. ఈ క్రమంలో కొన్నిసార్లు షాకింగ్ ఘటనలు చోటు చేసుకోవడం చూస్తుంటాం.
Newdelhi, Mar 9: రైలు క్రాసింగ్ (Railway Crossing) వద్ద గేటు వేస్తే కొందరు సెకన్ల వ్యవధి కూడా వెయిట్ చెయ్యలేరు. ఈ క్రమంలో కొన్నిసార్లు షాకింగ్ ఘటనలు చోటు చేసుకోవడం చూస్తుంటాం. రైలు గేటు వేసినా కూడా కొందరు అడ్డదిడ్డంగా దాటడానికి ప్రయత్నిస్తుంటారు. ఈ క్రమంలో చాలా మంది ప్రమాదాలకు గురవుతుంటారు. కొందరైతే ఏకంగా ప్రాణాలే కోల్పోతుంటారు. మరికొందరు అదృష్టం బాగుండి ప్రాణాపాయం నుంచి బయటపడుతుంటారు. ఇలాంటి షాకింగ్ ఘటనలకు సంబంధించిన వీడియోలు సోషల్ మీడియాలో తెగ వైరల్ అవుతుంటాయి. తాజాగా, రైల్వే గేటు వద్ద చోటు చేసుకున్న ఓ ఘటనకు సంబంధించిన వీడియో తెగ చక్కర్లు కొడుతోంది. రైల్వే క్రాసింగ్ వద్ద వేచి ఉండటాన్ని ఒక బైకర్ (Biker) సహించలేకపోయాడు.
బిర్యానీలో బొద్దింక.. జగిత్యాల జిల్లా కోరుట్ల పట్టణంలో ఘటన (వీడియో)
Here's Video:
రైల్వే క్రాసింగ్ను దాటేందుకు.. బైకర్ ఏం చేశాడో చూడండి!
న్యూఢిల్లీ: రైల్వే క్రాసింగ్ వద్ద వేచి ఉండటాన్ని ఒక బైకర్ సహించలేకపోయాడు. ఏకంగా బైక్ను భుజంపైకి ఎత్తుకున్నాడు. రైలు గేటు పక్క నుంచి వెళ్లి పట్టాలు దాటాడు. ఈ వీడియో సోషల్ మీడియాలో తెగ వైరల్ అవుతుంది. pic.twitter.com/7mVkySyC84
— ChotaNews App (@ChotaNewsApp) March 9, 2025
అమాంతం భుజంపైకి..
దీంతో తన బైక్ ను అమాంతం భుజంపైకి ఎత్తాడు. దానిని మోసుకుంటూ గేటు పక్క నుంచి నడిచి వెళ్లాడు. రైలు పట్టాలు దాటిన తర్వాత భుజంపై ఉన్న బైక్ ను కిందకు దించాడు. ఆ తర్వాత ఆ బైక్ పై అక్కడి నుంచి వెళ్లిపోయాడు. అయితే ఇది ఎక్కడ ఎప్పుడు జరిగింది అన్నది తెలియలేదు. కాగా, ఒకరు రికార్డ్ చేసిన ఈ వీడియో క్లిప్ సోషల్ మీడియాలో వైరల్ అయ్యింది. దీంతో నెటిజన్లు భిన్నంగా స్పందించారు. బరువైన బైక్ ను చాలా సులువుగా పైకి ఎత్తి భుజంపై అతడు మోయడం చూసి చాలా మంది ఆశ్చర్యపోయారు. ఆ వ్యక్తి ఫిట్ నెస్ ను కొందరు ప్రశంసించారు. రైల్వే ట్రాక్ వద్ద ప్రమాదకరంగా వ్యవహరించిన అతడిపై చర్యలు తీసుకోవాలని మరికొందరు డిమాండ్ చేశారు.
(The above story first appeared on LatestLY on Mar 09, 2025 09:07 AM IST. For more news and updates on politics, world, sports, entertainment and lifestyle, log on to our website latestly.com).
