Ganesh Chaturthi 2021 Wishes: సమస్త జగత్తు గణమయం.. గణపతికి ఘనస్వాగతం! ఈరోజు గణేష్ చతుర్థి సందర్భంగా పూజా సమయం విశేషాలు తెలుసుకోండి, వినాయక చవితి శుభాకాంక్షలు పంచుకోండి

Ganesh Chaturthi Wishes: గణేష్ చతుర్థి లేదా వినాయక చవితి అనేది హిందూ పండుగలలో అతి ముఖ్యమైన పండుగ. హిందువులు ప్రతి కార్యానికి ముందు గణపతికి మొదట పూజ నిర్వహించడం అనవాయితి, తాము చేయదలిచిన పనులను నిర్విఘ్నంగా జరిగేందుకు ఆ గణనాథుడి ఆశీస్సులు అందుకుంటారు. పార్వతి, పరమేశ్వరుల కుమారుడైన వినాయకుని పుట్టినరోజునే వినాయక చవితిగా జరుపుకుంటారు.

ఇది పదిరోజుల పాటు వేడుకగా జరిగే పండగ, ప్రతి ఇంట్లో, వాడవాడలా గణేషుడి విగ్రహమూర్తులు ప్రతిష్ఠించి పదిరోజుల పాటు ఘనంగా పూజలు చేసి ఆ మరుసటి రోజు నిమజ్జనం చేస్తారు. 2021లో గణేష్ చతుర్థి పండుగ సెప్టెంబర్ 10 న ప్రారంభమయి, సెప్టెంబర్ 21న ముగుస్తుంది.

ఇక, గణేశుడి ఆరాధన మరియు పూజా సమయాల  విషయానికి వస్తే, తొలి రోజు సెప్టెంబర్ 10న ఉదయం 11:03 గంటల నుండి మధ్యాహ్నం 1:33 వరకు గణేష్ చతుర్థి పూజ (ఆరాధన) కొరకు అత్యంత అనుకూలమైన సమయం. చతుర్థి తిథి ఈరోజు ఉదయం 12:18 గంటలకు ప్రారంభమవుతుంది మరియు రాత్రి 09:57 గంటలకు ముగుస్తుంది.

ఈరోజు వినాయక చవితి సందర్భంగా 'గణపతి బొప్పా మోరియా, మంగళమూర్తి మోరియా' అంటూ జయజయ ధ్వానాలతో ఆ నిర్మలమూర్తిని ఆహ్వానిద్దాం. గణేష చతుర్ధి సందర్భంగా గ్రీటింగ్స్ అందజేస్తున్నాం..

వినాయకుడు మీ జీవితంలోని అన్ని కష్టాలను తీర్చి, అన్ని కోరికలను నెరవేర్చి, మీ యొక్క అన్ని కార్యాలను ఎలాంటి ఆటంకాలు లేకుండా పూర్తయ్యేలా ఆ  భగవంతుని కృపాకటాక్షాలు మీపై సదా ఉండాలని కోరుకుంటూ లేటెస్ట్‌లీ తెలుగు తరఫున వినాయక చవితి శుభాకాంక్షలు

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)