Dog In IIFA Awards: ఐఫా వేడుకులకు అనుకోని అతిథి, ఇంటర్యూ చేసిన నటి ఆదితి భాటియా, వైరల్ అవుతున్న వీడియో, ఇంటర్యూలో ఏం అడిగిందంటే..
ఈ వీడియోని రెండు రోజుల్లో ఏడు లక్షల మందికి పైగా చూశారు. అతిది చెప్పేది చక్కగా వింటూ ఎంత పద్ధతిగా ఉందో అంటూ నెటిజన్లు మెచ్చుకుంటున్నారు. కామెంట్ల వర్షం కురిపిస్తున్నారు.
Mumbai,September 23: ఆర్థిక రాజధాని ముంబైలో ఇంటర్నేషనల్ ఇండియన్ ఫిల్మ్ అకాడమీ అవార్డ్స్ ( International Indian Film Academy Awards) 2019 వేడుకలు ఘనంగా ముగిశాయి. వెలుగు జిలుగుల వేదికపై విస్తుగొలిపే ఏర్పాట్లతో ఈ ఐఫా 2019 (IIFA)వేడుక ఆద్యంతం పండుగ వాతావరణాన్ని తలపించింది. చాలా మంది కళాకారులు పలు కేటగిరీల్లో పలు అవార్డులను సొంతం చేసుకున్నారు. ఆనందోత్సాహాల మధ్య పూర్తైన ఈ వేడుకల్లో ఓ ప్రత్యేక చోటుచేసుకుంది. ఈ వేడుకలకు అనుకోకుండా ఓ గెస్ట్ ఓ కుక్క వచ్చింది. ఆ కుక్కను ప్రముఖ నటి..మోడల్ అదితి భాటియా ఇంటర్వ్యూ చేసింది. ప్రస్తుతం ఈ వీడియో నెటిజన్లను విశేషంగా ఆకట్టుకుంటోంది.
ఆ కుక్కను చూసిన నటి అదితి భాటియాకు ఓ ఐడియా వచ్చింది. ఆ కుక్కతో ఇంటర్యూ ప్లాన్ చేసింది. హాయ్..ఇక్కడకు అనుకోకుండా ఓ స్పెషల్ గెస్ట్ వచ్చారు. తనను ఇంటర్వ్యూ చేసి బోలెడు విషయాలు తెలుసుకుందాం.. అంటూ అదితి భాటియా కుక్కను రకరకాల ప్రశ్నలు అడిగింది. ఆ కుక్క కూడా ఏమాత్రం బెదరలేదు..చక్కగా భాటియాకు తన ముందు రెండు కాళ్లతో షేక్ హ్యాండ్ ఇచ్చింది. ఈ వీడియోను అదితి తన ఇన్ స్ట్రా గ్రామ్ లో పోస్ట్ చేశారు. అది వైరల్ గా మారింది.
ఈ వీడియోని రెండు రోజుల్లో ఏడు లక్షల మందికి పైగా చూశారు. అతిది చెప్పేది చక్కగా వింటూ ఎంత పద్ధతిగా ఉందో అంటూ నెటిజన్లు మెచ్చుకుంటున్నారు. కామెంట్ల వర్షం కురిపిస్తున్నారు. ఓ నెటిజన్ ... ఆ కుక్క సార్ కాదనీ... మేడమ్ అని కామెంట్ చేశారు. ఇంతకంటే క్యూటర్ వీడియో ఉంటుందా అని మరో నెటిజన్ ప్రశ్నించారు. మరికొందరు బహుశా అవార్డు అందుకోవటానికి వచ్చిందేమో.. అంటూ ఛలోక్తులు విసురుతున్నారు.