'New CEO Of Twitter': ట్విట్టర్ కొత్త సీఈఓగా ఎలాన్ మస్క్ పెంపుడు కుక్క, సంచలన ట్వీట్ చేసిన టెస్లా అధినేత, మండిపడుతున్న నెటిజన్లు

ట్విట్టర్‌ కొత్త బాస్‌, టెస్లా అధినేత ఎలాన్‌ మస్క్‌ మరోసారి సంచలన పోస్టుతో వివాదాల్లోకి ఎక్కారు. ట్విట్టర్‌కు కొత్త సీఈవోను పరిచయం చేస్తూ ఆయన వార్తల్లో నిలిచారు. మస్క్‌ పెంపుడు కుక్క ఫోల్కీ(pet dog Floki )ని ట్విట్టర్‌ సీఈవో సీట్‌లో కూర్చోబెట్టిన మస్క్‌.. సీఈవో అని రాసి ఉన్న టీ షర్ట్‌ను తొడిగాడు. ‘ట్విట్టర్ కొత్త సీఈవో ఇతనే..’ అంటూ ఆ ఫొటోను సోషల్‌ మీడియాలో పోస్టు చేశారు.

అంతేకాదు ‘ఇతర సీఈవోల కన్నా ఇదే బెటర్‌.. నెంబర్లలోనూ, స్టైల్లోనూ’ అంటూ పరోక్షంగా మాజీ సీఈవో పరాగ్‌ అగర్వాల్‌ను ఉద్దేశిస్తూ వరుస ట్వీట్లు చేశారు.మస్క్ చేసిన ఈ ట్వీట్ నెటిజన్లను తీవ్ర ఆగ్రహానికి గురిచేస్తోంది. ‘ముందు ట్విట్టర్ పని తీరుపై శ్రద్ధ పెట్టండి, మాజీ సీఈవోపై కాదు’, ‘పరాగ్ అగర్వాల్ నేతృత్వంలో ట్విట్టర్ అద్భుతమైన పనితీరు సాధించింది. మెరుగైన వృద్ధిని కనపరిచింది’ అంటూ వరుస కామెంట్లు పెడుతున్నారు.

Here's Tweets