HC on Potency and Virginity Test: వీర్యం సేకరణ, ‘రెండు వేళ్ల’ పరీక్ష చేయడమేంటి? లైంగిక నేరాల కేసులో మద్రాస్‌ హైకోర్టు కీలక వ్యాఖ్యలు

Newdelhi, July 11: అత్యాచారాల కేసుల్లో (Rape Cases) లైంగిక సామర్థ్య పరీక్షకు (Potency Test) వీర్యం సేకరణ, బాధితురాలికి ‘రెండు వేళ్ల’ పరీక్ష (Virginity Test) విధానాన్ని మద్రాస్‌ హైకోర్టు (Madras Highcourt) తీవ్రంగా తప్పుబట్టింది. సైన్స్‌ అభివృద్ధి చెందిన నేటి కాలంలోఇలాంటి పరీక్షలు అవసరం లేదని, ఇందుకు సమాన ప్రక్రియ పద్ధతులను రూపొందించాలని ఆదేశించింది. లైంగిక సామర్థ్య పరీక్షల్లో వీర్య సేకరణ విధానానికి బదులుగా రక్త నమూనాను సేకరించవచ్చని, ఇలాంటి అధునాతన పద్ధతులు ప్రపంచ వ్యాప్తంగా అనుసరిస్తున్నారని వ్యాఖ్యానించింది. మైనర్‌ బాలిక, మైనర్‌ బాలుడికి సంబంధించిన హెబియస్‌ కార్పస్‌ పిటిషన్‌ విచారణ సందర్భంగా ధర్మాసనం ఇటీవల ఈ ఆదేశాలు జారీ చేసింది.  కేసు తదుపరి విచారణను ఆగస్టు 11వ తేదీకి వాయిదా వేసింది.

వివాహం చట్టబద్దం కాకపోయినా రెండవ భార్యకు నెలవారీ భరణం చెల్లించాల్సిందే, సెకండ్ వైఫ్ మెయింటెనెన్స్‌పై మద్రాస్ హైకోర్టు కీలక వ్యాఖ్యలు