Viral Video: షాకింగ్ వీడియో, మహిళ స్కూటీపై వెళ్తుండగా పర్సును లాగిన దొంగలు, ఆమె గట్టిగా పట్టుకోవడంతో 10 అడుగులు ఆమెను లాక్కెళ్లిన దుండగులు

జైపూర్‌లోని ముహనా పోలీస్ స్టేషన్ పరిధిలో దారుణం చోటు చేసుకుంది. ట్టపగలు స్కూటీపై వెళ్తున్న మహిళ పర్సును లాక్కోవడానికి దొంగలు ప్రయత్నించారు. అయితే ఆమె పర్సును గట్టిగా పట్టుకోవడంతో అది వారి చేతికి చిక్కలేదు. ఈ నేపథ్యంలో బాధితురాలు కిందపడిపోయింది. ఈ ఘటనలో మహిళ ముఖం, తలపై తీవ్ర గాయాలయ్యాయి. మంగళవారం మధ్యాహ్నం 3 గంటలకు ఎస్‌ఎఫ్‌ఎస్‌ కూడలి సమీపంలో మహిళ నుంచి పర్సు లాక్కునేందుకు ప్రయత్నించగా దుండగులు ఆమెను కిందకు దించారని పోలీసు అధికారి తెలిపారు.

ఈ క్రమంలో మహిళ రోడ్డుపై 8-10 అడుగుల మేర ఈడ్చుకెళ్లింది. గాయపడిన మీనాక్షి శ్రీవాస్తవ (43)ని మానసరోవర్‌లోని సాకేత్ ఆసుపత్రి ఐసియులో చేర్చారు. ఈ ఘటన అంతా సమీపంలోని సీసీటీవీ కెమెరాలో రికార్డైంది.ఘటన జరిగినప్పటి నుంచి ఆ ప్రాంతంలో అమర్చిన సీసీటీవీలను పరిశీలిస్తున్నామని, ఇప్పటి వరకు 7 మంది బాలురను విచారించామని ముహనా పోలీస్ స్టేషన్ సీఐ లఖన్ సింగ్ ఖతానా తెలిపారు.