Malla Reddy Dance Video: మల్లారెడ్డి డ్యాన్స్ వీడియో ఇదిగో.. కాంగ్రెస్ 1000 రోజుల విఫల పాలన అంటూ ఊర మాస్ స్టెప్పులు..
Malla Reddy Dance Video: కార్యక్రమం ఏదైనా తనదైన శైలిలో పాటలు, డ్యాన్స్లతో హుషారెత్తించే బీఆర్ఎస్ ఎమ్మెల్యే, మాజీ మంత్రి మేడ్చల్ మల్లారెడ్డి మరోసారి వార్తల్లో నిలిచారు. కాంగ్రెస్ పార్టీ అధికారంలోకి వచ్చి 1000 రోజులు పూర్తయిన సందర్భాన్ని పురస్కరించుకుని, ప్రభుత్వ వైఫల్యాలను ఎండగట్టాలని బీఆర్ఎస్ వర్కింగ్ ప్రెసిడెంట్ కేటీఆర్ పిలుపునిచ్చిన సంగతి తెలిసిందే. ఈ పిలుపు మేరకు రాష్ట్రవ్యాప్తంగా బీఆర్ఎస్ శ్రేణులు విస్తృత ఆందోళన కార్యక్రమాలు నిర్వహించగా, మల్లారెడ్డి తనదైన 'మాస్' అవతారంలో నిరసనలో పాల్గొని హంగామా చేశారు.
కాంగ్రెస్ ప్రభుత్వ మోసపూరిత హామీలు, వైఫల్యాలను ప్రజలకు వివరించేందుకు చేపట్టిన ఈ నిరసన కార్యక్రమంలో మల్లారెడ్డి యువజన విభాగం నాయకులు, కార్యకర్తలతో కలిసి వేదికపై డ్యాన్స్ చేశారు. కాంగ్రెస్ విధానాలను నిరసిస్తూనే, యువతతో సమానంగా ఆయన వేసిన 'ఊర మాస్' స్టెప్పులు ఆందోళన ప్రదేశంలో తీవ్ర ఆకర్షణగా నిలిచాయి.
మల్లారెడ్డి ఉత్సాహంతో కూడిన స్టెప్పులు బీఆర్ఎస్ కార్యకర్తల్లో సరికొత్త జోష్ నింపాయి. రాబోయే రోజుల్లో రాష్ట్రంలో మళ్లీ బీఆర్ఎస్ అధికారంలోకి రావలసిన అవసరాన్ని తనదైన వినూత్న శైలి నిరసన ద్వారా ప్రజలకు వివరిస్తూ ఆయన ఆందోళనను ముందుకు నడిపారు. ప్రస్తుతం మల్లారెడ్డి మాస్ స్టెప్పులకు సంబంధించిన దృశ్యాలు సామాజిక మాధ్యమాల్లో వైరల్గా మారాయి.
Malla Reddy Dance Video