Stray Dog Attack: నిజామాబాద్‌లో బాలుడి మీద దాడి చేసిన వీధి కుక్క, వీడియో ఇదిగో..

నిజామాబాద్ జిల్లాలో ఓ వీధి కుక్క బాలుడిపై దాడికి యత్నించింది. అందుకు సంబంధించిన దృశ్యాలు సీసీ కెమెరాలో రికార్డయ్యాయి.నిజామాబాద్ జిల్లా కేంద్రంలో 8వ డివిజన్‌లో ఓ బాలుడు నడుచుకుంటూ వెళ్తున్నాడు. కిరాణా షాపుకు వెళ్లి ఏదో తినే పదార్థాన్ని కొనుగోలు చేసిన బాలుడు దాన్ని చేతిలో పట్టుకొని ఇంటికి వెళ్తున్నాడు. అంతలో అతడికి ఎదురుగా వచ్చిన ఓ వీధి కుక్క బాలుడిపై దాడికి తెగబడింది. చిన్నారి చేతిలో ఉన్న తినే పదార్థాన్ని లాక్కునేందుకు ప్రయత్నించింది. బాలుడు గట్టిగా అరవటంతో పక్కనే ఉన్న ఓ ఇంట్లో నుంచి వ్యక్తి బయటకు వచ్చాడు. దీంతో వీధి కుక్క బాలుడి చేతిలో ఉన్న పదార్థాన్ని లాక్కొని అక్కడి నుంచి పరుగులు తీసింది. అయితే చిన్నారికి ఎలాంటి గాయాలు కాకపోవటంతో అంతా ఊపిరిపీల్చున్నారు.

Here's Video