Tech Layoffs 2023: జనవరి నెలలో 50 వేల మంది ఉద్యోగులను పీకేసిన టాప్ 5 టెక్ దిగ్గజాలు, గూగుల్ నుంచే 12 వేల మంది బయటకు, ఉద్యోగులకు ఉద్వాసన పలికిన టాప్ 5 కంపెనీలు ఇవే..

దూసుకొస్తున్న ఆర్థిక మాంద్య భయాలతో టెక్ కంపెనీలు ఉద్యోగులను ఇంటికి సాగనంపుతున్నాయి. శ్రామిక శక్తిని తగ్గించుకుంటూ రెవిన్యూను పెంచుకునే మార్గంలో పడ్డాయి. ఈ నేపథ్యంలో టెక్ ఉద్యోగాలకు భరోసా అనేది కరువయింది. ఒక్క జనవరి నెలలోనే 50 వేల  మందికి పైగానే ఉద్యోగులను టెక్ కంపెనీలు ఉద్యోగం నుండి తీసివేశాయి. వీటిలో Amazon, Google, Dell, IBM, Microsoft వంటి టాప్ కంపెనీలు ఉన్నాయి.

టెక్ దిగ్గజం IBM గత నెలలో 3,900 మంది ఉద్యోగులను తీసేసింది. ఇక డెల్ 6,650 మంది ఉద్యోగులకు ఉద్వాసన పలికింది. అమెజాన్ 18 వేల మంది ఉద్యోగులను ఇంటికి సాగనంపగా..మైక్రోసాఫ్ట్ 10 వేల మంది ఉద్యోగులకు బైబై చెప్పింది. ఇక సెర్చ్ ఇంజిన్ దిగ్గజం గూగుల్ 12 వేల మంది ఉద్యోగులకు జనవరి నెలలో ఉద్వాసన పలికింది.