Banni Festival 2019: రక్తమోడిన భక్తి, కర్రల సమరంలో 60మందికి పైగా గాయాలు, నలుగురి పరిస్థితి విషమం, దేవరగట్టులో ఘనంగా జరిగిన విజయదశమి వేడుకలు, వేలాదిగా తరలివచ్చిన భక్తజనం

Kurnool, October 09:  కర్నూలు జిల్లా దేవరగట్టు (Devaragattu village)లో మల్లేశ్వరస్వామి ఆలయంలో విజయదశమి వేడుకలు ఘనంగా జరిగాయి. ఆంధ్రా, తెలంగాణ మరియు కర్ణాటక రాష్ట్రాల నుంచి వేలమంది భక్తులు వేడుకలు చూసేందుకు తరలివచ్చారు. అయితే ఈ ఉత్సవాల్లో భాగంగా నిర్వహించే సాంప్రదాయ కర్రల సమరం ఎప్పట్లాగే ఈ ఏడాది కూడా రక్తమోడింది. మల్లేశ్వరస్వామి విగ్రహాలను దక్కించుకునేందుకు చుట్టుపక్కల ఉండే 11 గ్రామాల ప్రజలు రెండు గ్రూపులుగా విడిపోయి కర్రలతో తలపడ్డారు. ఈ కొట్లాటలో దాదాపు 60 మందికి పైగా గాయపడ్డారు, వీరిలో నలుగురి పరిస్థితి విషమంగా ఉన్నట్లు సమాచారం. పోలీసులు వెంటనే అప్రమత్తమై క్షతగాత్రులను స్థానిక ఆసుపత్రికి తరలించారు.

'బన్ని ఉత్సవం' (Banni Festival) గా ప్రాచుర్యం పొందిన ఈ కర్రల సమరం చాలా ప్రాముఖ్యత గలది. ఇందులో భాగంగా, దేవరగట్టులోని 11 గ్రామాల ప్రజలు ప్రతి సంవత్సరం దసరా రోజున యుద్ధభూమిలోకి ప్రవేశిస్తారు. ఈ కార్యక్రమానికి వెళ్లేటప్పుడు తమ వెంట కర్రలను తీసుకెళ్తారు. కర్రల సమరం చేసి స్వామివారి విగ్రహాలను దక్కించుకోవడం ఇక్కడి ఆచారం. అలా స్వామివారి విగ్రహాలను దక్కించుకోవడం తమ ఊరి పరువుగా గ్రామస్తులు భావిస్తారు. ఈ తంతు జరిగేది భక్తి కోసమే అయినా, ఇందులో పాల్గొనే భక్తుల ప్రాణాలకు ప్రమాదం ఉంటుంది. ప్రతీఏటా ఎంతో మంది తలలు పగిలి చనిపోతున్నారు, తీవ్రంగా గాయపడుతున్నారు. ఈ కార్యక్రమానికి అడ్డుకట్ట వేసేందుకు ఎన్ని అవగాహన కార్యక్రమాలు నిర్వహించినా, ఎన్ని ప్రయత్నాలు చేస్తున్నా ప్రజలు మాత్రం ప్రతీ ఏడాది ఈ ఆచారాన్ని కొనసాగించడం, ప్రాణాల మీదకు తెచ్చుకోవడం పరిపాటిగా మారింది.

నిన్నటి కర్రల సమరం దృశ్యాలు

ఈ ఏడాది కూడా పోలీసులు, అధికారులు ఈ కర్రల సమరాన్ని ఆపేందుకు గత పదిరోజులుగా విశ్వ ప్రయత్నాలు చేసినా, ఎలాంటి ఫలితం లేకుండా పోయింది. ఈ ఉత్సవంలో పాల్గొన్న వారిలో అధిక శాతం మద్యం సేవించి వచ్చారు. ఆ మద్యం మత్తులో ఇష్టమొచ్చినట్లు కర్రలతో కొట్టుకోవడంతో ఎక్కువ మంది గాయాలపాలయ్యారు.

తాజా- అక్టోబర్ 10 వరకు, దాదాపు ఈ కర్రల సమరంలో గాయపడిన వారి సంఖ్య 100కు చేరినట్లు సమాచారం అందింది, అలాగే 20 మంది ఆరోగ్య పరిస్థితి మరింత విషమంగా ఉన్నట్లు తెలిసింది.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)