ANR Award: వీడియో ఇదిగో, అమితాబ్ బచ్చను పాదాలకు నమస్కరించిన చిరంజీవి, ANR నేషనల్ అవార్డును మెగాస్టార్‌కు అందించిన బాలీవుడ్ బిగ్ బీ
చిరంజీవికి అవార్డును అందించడానికి ముందు, బిగ్ బి తన ప్రసంగంలో నటుడి గురించి గొప్పగా మాట్లాడారు.
అక్కినేని నాగేశ్వరరావు 100వ జయంతిని పురస్కరించుకుని BIG B అమితాబ్ బచ్చన్ సోమవారం హైదరాబాద్‌లో ప్రముఖ నటుడు చిరంజీవిని ANR జాతీయ అవార్డుతో సత్కరించారు. చిరంజీవికి అవార్డును అందించడానికి ముందు, బిగ్ బి తన ప్రసంగంలో నటుడి గురించి గొప్పగా మాట్లాడారు. ఇంతటి ప్రతిష్టాత్మకమైన కార్యక్రమానికి తనను ఆహ్వానించిన నాగార్జునకు, ఆయన కుటుంబ సభ్యులకు కృతజ్ఞతలు తెలిపారు.
"నా ప్రియమైన స్నేహితుడు, సహచర నటుడు చిరంజీవిని సత్కరించడానికి మీరు నన్ను ఎన్నుకున్నందుకు నేను చాలా గౌరవంగా భావిస్తున్నాను. నేను ఎప్పుడు పిలిచినా అతను ఎల్లప్పుడూ తోడుగాా ఉంటాడు. మీ సినిమాలో నాకు భాగం ఇచ్చినందుకు చిరంజీవి మరియు నాగ్‌లకు ధన్యవాదాలు, వైజయంతి చిత్రాలకు మరియు నాగ్ అశ్విన్‌కి ధన్యవాదాలు. ఇప్పుడు నేను తెలుగు చిత్ర పరిశ్రమలో సభ్యుడిని అని గర్వంగా చెప్పగలన అని అన్నారు.
Amitabh Bachchan honours Chiranjeevi with ANR Award
“చిరంజీవి గారు మీ స్నేహానికి, శ్రద్ధకు, ప్రేమకు, ఆప్యాయతకు, వినయానికి, ఆతిథ్యానికి ధన్యవాదాలు, మీరు నాకు చాలా సార్లు భోజనం పంపారు. దయచేసి నన్ను ఇక నుండి తెలుగు చిత్ర పరిశ్రమలో సభ్యునిగా పరిగణించండి. ధన్యవాదాలు అని అమితాబ్ అన్నారు. బిగ్ బి నుండి అవార్డును అందుకుంటున్న సమయంలో చిరంజీవి ఉద్వేగానికి లోనయ్యారు. గౌరవ సూచకంగా అమితాబ్ ముందు నమస్కరించి, ఆయన పాదాలను తాకి ఆశీస్సులు కోరాడు.