Hyderabad Horror: మానవత్వమా నీవెక్కడ, హైదరాబాద్ శివార్లలో మహిళను వివస్త్రగా మార్చిన తాగుబోతు, ఘటనను వీడియో తీస్తూ ఎంజాయ్ చేసిన బాటసారులు
హైదరాబాద్ శివార్లలోని బాలాజీ నగర్ వద్ద మద్యం మత్తులో ఉన్న ఓ వ్యక్తి రోడ్డుపై వెళ్తున్న మహిళను వివస్త్రను చేసిన ఘటన సోమవారం వెలుగులోకి వచ్చింది.
హైదరాబాద్, ఆగస్ట్ 7:హైదరాబాద్ శివార్లలోని బాలాజీ నగర్ వద్ద మద్యం మత్తులో ఉన్న ఓ వ్యక్తి రోడ్డుపై వెళ్తున్న మహిళను వివస్త్రను చేసిన ఘటన సోమవారం వెలుగులోకి వచ్చింది. రాచకొండ పోలీస్ కమిషనరేట్‌లోని జవహర్ నగర్ పోలీస్ స్టేషన్ పరిధిలోని బాలాజీ నగర్ బస్టాండ్ సమీపంలో ఆదివారం రాత్రి 8.30 గంటల ప్రాంతంలో జరిగిన ఈ ఘటనలో నిందితుడు పెద్దమారయ్య అనే వ్యక్తి మహిళతో అసభ్యంగా ప్రవర్తించడమే కాకుండా బహిరంగంగా బట్టలు విప్పేశాడు.
పెద్దమారయ్య, కూలీ పనులు చేసుకుంటూ జీవిస్తున్నాడు. తాగుబోతుగా మారిపోయాడు. అతని తల్లి వెంట ఉన్నా ఈ దారుణాన్నిఆపడానికి ఆమె ఏమీ చేయలేదు. మహిళను రక్షించేందుకు కొందరు బాటసారులు ప్రయత్నం చేయకుండా ఘటనను తమ మొబైల్‌ ఫోన్లలో చిత్రీకరించారు.తాగుబోతు రోడ్డుపై నడుచుకుంటూ వెళ్తున్న మహిళను అనుచితంగా తాకి ఆమెతో అసభ్యంగా ప్రవర్తించాడు.
ఆ మహిళ అతడిని తోసేసి, చురుగ్గా వెళ్లిపోయి తనను తాను రక్షించుకునే ప్రయత్నం చేస్తుండగా, కోపోద్రిక్తుడైన పెద్దమారయ్య ఆమెపైకి దూసుకెళ్లి బట్టలు చింపడం ప్రారంభించాడు. ఆ మహిళను రక్షించేందుకు అతని తల్లి ఏమీ చేయలేదు. బైక్‌పై వెళుతున్న మరో మహిళ అతడిని ప్రశ్నించేందుకు ఆగడంతో నిందితుడు కూడా ఆమెపై దాడికి యత్నించారు.
Here's Video
బాధితురాలు సుమారు 15 నిమిషాల పాటు రోడ్డుపైనే నిల్చుంది. నిందితుడు అక్కడి నుంచి వెళ్లిపోయిన తర్వాత కొందరు వ్యక్తులు ఆమెకు బట్టలు కప్పిపుచ్చి పోలీసులకు సమాచారం అందించారు. 28 ఏళ్ల బాధితురాలి ఫిర్యాదు మేరకు పోలీసులు కేసు నమోదు చేసి నిందితుడిని అరెస్ట్ చేశారు.