Hyderabad Water Crisis: హైదరాబాద్‌కు తాగునీటి ముప్పు.. డిసెంబర్ నాటికే సింగూర్ ఖాళీ.. అత్యవసర ప్రణాళికలతో జలమండలి పరుగులు..
సాధారణంగా వేసవి కాలం ప్రారంభంలో మొదలయ్యే తీవ్ర తాగునీటి కొరత ఈసారి నవంబర్, డిసెంబర్ నెలల్లోనే హైదరాబాద్ నగరాన్ని చుట్టుముట్టే ప్రమాద ఘంటికలు మోగుతున్నాయి. 2026 నైరుతి రుతుపవనాల కాలంలో నమోదైన భారీ వర్షపాత లోటు, కీలక జలాశయాలకు ఇన్ఫెక్షన్లు ఆశించిన స్థాయిలో రాకపోవడమే ఇందుకు ప్రధాన కారణంగా మారింది.
Hyderabad Water Crisis: సాధారణంగా వేసవి కాలం ప్రారంభంలో మొదలయ్యే తీవ్ర తాగునీటి కొరత ఈసారి నవంబర్, డిసెంబర్ నెలల్లోనే హైదరాబాద్ నగరాన్ని చుట్టుముట్టే ప్రమాద ఘంటికలు మోగుతున్నాయి. 2026 నైరుతి రుతుపవనాల కాలంలో నమోదైన భారీ వర్షపాత లోటు, కీలక జలాశయాలకు ఇన్ఫెక్షన్లు ఆశించిన స్థాయిలో రాకపోవడమే ఇందుకు ప్రధాన కారణంగా మారింది. ముఖ్యంగా నగర పశ్చిమ భాగానికి, కీలకమైన ఐటీ కారిడార్‌కు తాగునీటిని అందించే సింగూర్ జలాశయంలో నీటి నిల్వలు ప్రమాదకర స్థాయికి పడిపోవడంతో నగర నీటి భద్రత తీవ్రమైన ప్రశ్నార్థకంగా మారింది. ఈ ఏడాది కరువు జిల్లాలను ప్రకటించిన ఏపీ ప్రభుత్వం.. 388 మండలాలు కరువుతో విలవిల.. రాయలసీమలోనే ఎక్కువ
పరిస్థితి తీవ్రతను లెక్కలోకి తీస్తే.. సింగూర్ జలాశయం మొత్తం నీటి నిల్వ సామర్థ్యం 29.9 టీఎంసీలు కాగా, ప్రస్తుతం కేవలం 3.9 టీఎంసీలు మాత్రమే అందుబాటులో ఉన్నాయి. అంటే జలాశయంలో ఉన్నది కేవలం 13 శాతం నీరు మాత్రమే. ప్రస్తుత వినియోగాన్ని బట్టి చూస్తే డిసెంబర్ డిసెంబరు మధ్య నాటికే సింగూర్ పూర్తిగా అడుగంటిపోయే ముప్పు కనిపిస్తోంది. మరోవైపు పాతబస్తీ, పరిసర ప్రాంతాలకు తాగునీరు అందించే ఉస్మాన్‌సాగర్ నిల్వలు కూడా గతంలో ఉన్న 3.5 టీఎంసీల నుండి 2.2 టీఎంసీలకు క్రమంగా పడిపోయాయి. దీనికితోడు నాగార్జునసాగర్, హిమాయత్‌సాగర్ జలాశయాలకు కూడా ఇన్ఫ్లోలు తగ్గడంతో ప్రత్యామ్నాయ వనరుల నుంచి నీటిని మళ్లించే అవకాశాలు కూడా పరిమితమయ్యాయి.
ఈ ఏడాది ఏర్పడిన ఎల్‌నినో ప్రభావం , వాతావరణ వైపరీత్యాల కారణంగా తెలంగాణ వ్యాప్తంగా 17 శాతం వర్షపాత లోటు నమోదవగా, జీహెచ్‌ఎంసీ పరిధిలో ఏకంగా 27 శాతం లోటు వర్షపాతం నమోదైంది. నగరంలో సాధారణంగా పడాల్సిన 627.2 మిమీ వర్షపాతానికి గానూ కేవలం 458.2 మిమీ మాత్రమే నమోదు కావడం భూగర్భ జలమట్టాలను సైతం దారుణంగా దెబ్బతీసింది. వర్షాభావ పరిస్థితుల వల్ల రాబోయే రోజుల్లో కృష్ణ, గోదావరి బేసిన్ ఆధారిత ప్రాజెక్టులపైనే పూర్తిగా ఆధారపడాల్సిన పరిస్థితులు ఉత్పన్నమవుతున్నాయి.
ముంచుకొస్తున్న ముప్పును పసిగట్టిన హైదరాబాద్ మెట్రోపాలిటన్ వాటర్ సప్లై అండ్ సీవరేజ్ బోర్డు (HMWS&SB) వేసవి కాలానికి ముందే సమగ్ర అత్యవసర కార్యాచరణ ప్రణాళికలకు (Emergency Action Plan) శ్రీకారం చుట్టింది. సింగూర్, మంజీరా ప్రాజెక్టులపై ఆధారపడే ఐటీ కారిడార్ తదితర పశ్చిమ ప్రాంతాలకు ప్రత్యామ్నాయ మార్గాల ద్వారా నీటిని సరఫరా చేసేందుకు పంపింగ్ కేంద్రాల మ్యాపింగ్ చేపడుతోంది. తక్కువ పీడనంతో నీరు అందే ప్రాంతాలను ముందే గుర్తించి గ్రేటర్ పరిధిలోని ప్రతీ ప్రాంతానికి తాగునీటి కొరత రాకుండా యుద్ధప్రాతిపదికన చర్యలకు జలమండలి నడుం బిగించింది.