Agni 5 Missile: అగ్ని 5 క్షిపణి ప్రయోగం సఫలం.. భారత్ అమ్ముల పొదిలో మరో బ్రహ్మాస్త్రం..పాకిస్థాన్, చైనా గుండెల్లో గుబులు.. ఎందుకంటే..

భారత సైన్యం అమ్ముల పొదిలో మరో బ్రహ్మాస్త్రం వచ్చి చేరింది. అగ్ని-5 బాలిస్టిక్ క్షిఫణి పరీక్ష విజయవంతం కావడంతో బలం మరింత పెరిగింది. ఉపరితలం నుంచి ఉపరితలానికి ప్రయోగించే బాలిస్టిక్ క్షిపణి అగ్ని-5ని బుధవారం విజయవంతంగా ప్రయోగించారు. ఈ క్షిపణిని ఏపీజే అబ్దుల్ కలాం ద్వీపం నుంచి ప్రయోగించారు. ఈ క్షిపణి పరిధి 5000 కి.మీ. ఈ రోజు సాయంత్రం 7.50 గంటలకు ఈ క్షిపణిని ప్రయోగించినట్లు సమాచారం. అగ్ని 5 ఎంట్రీతో భారత సైనిక బలం బాగా పెరిగిందని రక్షణ నిపుణులు అంటున్నారు. చైనా, పాకిస్థాన్ వంటి సరిహద్దు దేశాలు ఓ వైపు వివాదాలతో చికాకు కల్పిస్తున్న సమయంలో అగ్ని క్షిపణి పరీక్ష ఇరు దేశాలకు నిద్ర లేకుండా చేస్తోంది. ఈ క్షిపణి అసలు రేంజ్ గురించి కూడా ఇరు దేశాల్లో చర్చ జరుగుతోంది.

Agni 5 పరిధి 5000 కి.మీ ఉండబోతోందని నిపుణులు చెబుతున్నారు. అదే సమయంలో ఈ క్షిపణి శక్తి కూడా ఎక్కువగా పరిగణించబడుతోంది ఎందుకంటే దాని ఇంజిన్‌పై చాలా పని జరిగింది. అగ్ని 5 ఇంజిన్ మూడు-దశల ఘన ఇంధనంతో తయారు చేయబడిందనే వార్తలు వస్తున్నాయి. అటువంటి పరిస్థితిలో, దాని సామర్థ్యం , ఖచ్చితత్వం ఇతర క్షిపణుల కంటే ఎక్కువగా ఉంటుంది. అగ్ని -5 భారతదేశపు మొట్టమొదటి, ఏకైక ఖండాంతర బాలిస్టిక్ క్షిపణి. దీనిని రక్షణ పరిశోధన, అభివృద్ధి సంస్థ (DRDO) అభివృద్ధి చేసింది. భారతదేశంలో ఉన్న సుదూర క్షిపణులలో ఇది ఒకటి.

అగ్ని-5 ఇంటర్ కాంటినెంటల్ బాలిస్టిక్ మిస్సైల్ (Agni 5 - ICBM) 50 వేల కిలోల బరువున్నట్లు కూడా సమాచారం అందింది. దీని పొడవు 17.5 మీటర్లు. దీని వ్యాసం 2 మీటర్లు అంటే 6.7 అడుగులు. దీని పైన 1500 కిలోల బరువున్న అణ్వాయుధాన్ని అమర్చవచ్చు. క్షిపణికి మూడు దశల రాకెట్ బూస్టర్ ఉంది, ఇది ఘన ఇంధనంతో ఎగురుతుంది. దీని వేగం ధ్వని వేగం కంటే 24 రెట్లు ఎక్కువ. అంటే ఒక్క సెకనులో 8.16 కిలోమీటర్ల దూరాన్ని దాటుతుంది. ఈ క్షిపణి పరిధి 5 వేల కిలోమీటర్లు.

ఇవన్నీ కాకుండా Agni 5 , MIRV సాంకేతికత కూడా చాలా ప్రత్యేకమైనది. ఈ క్షిపణి ఒకేసారి అనేక లక్ష్యాలను నాశనం చేయగలదు. ఈ క్షిపణి ద్వారా మొత్తం ఆసియా, యూరప్, ఆఫ్రికాలోని కొన్ని ప్రాంతాలపై దాడి చేయవచ్చని నిపుణులు పేర్కొన్నారు. నిజానికి ఈ క్షిపణి పరిధి 5 వేల కిలోమీటర్లు.