ISRO RISAT-2BR1: పిఎస్ఎల్వి-సి 48 ప్రయోగం విజయవంతం, భారత గూఢాచార వ్యవస్థను పటిష్ఠ పరిచే అధునాతన ఉపగ్రహహం రిసాట్ -2 బిఆర్1తో పాటు, 9 విదేశీ ఉపగ్రహాలను నిర్దేశిత కక్ష్యలో ప్రవేశపెట్టిన ఇస్రో

Sriharikota, December 11:  శ్రీహరికోటలోని భారత అంతరిక్ష పరిశోధన సంస్థ (ISRO), సతీష్ ధావన్ అంతరిక్ష కేంద్రం నుంచి చేపట్టిన PSLV C48 ప్రయోగం విజయవంతమైంది. గురువారం మధ్యాహ్నం 3:25 గంటలకు ఈ ప్రయోగం చేపట్టారు. భారతదేశానికి చెందిన అధునాతన గూఢచారి ఉపగ్రహమైన రిసాట్ -2 బిఆర్1 (RISAT-2BR1 ) ఉపగ్రహంతో పాటు, 9 విదేశీ ఉపగ్రహాలను పొలార్ శాటిలైట్ లాంచ్ వెహికిల్ సీ48 (PSLV C48) రాకెట్ విజయవంతంగా కక్ష్యలో ప్రవేశపెట్టింది.

628 కిలోల బరువున్న RISAT-2BR1 ను రాడార్ ఇమేజింగ్ ఎర్త్ అబ్జర్వేషన్ ఉపగ్రహం భూఉపరితలం నుంచి 576 కిలోమీటర్ల ఎత్తులో భూకక్ష్యలో ప్రవేశపెట్టబడింది. ఈ ఉపగ్రహం ఐదేళ్ల జీవితకాలాన్ని కలిగి ఉంది.

వ్యవసాయం, అటవీ మరియు విపత్తు రంగాల నిర్వహణ కొరకు భారత్ ఈ ఉపగ్రహ సేవలను ఐదేళ్ల పాటు వినియోగించుకోనుంది.

Here's the Video:

రిసాట్ -2 బిఆర్1 వెంట మరో తొమ్మిది విదేశీ ఉపగ్రహాలు వాటి వాటి నిర్ధేశిత కక్ష్యలలో ఇస్రో రాకెట్ విజయవంతంగా ప్రవేశపెట్టింది.  ఇందులో అమెరికాకు చెందిన 4 మల్టీ-మిషన్ లెమూర్ ఉపగ్రహాలు, ఇజ్రాయెల్‌కు చెందిన 3 రిమోట్ సెన్సింగ్ ఉపగ్రహాలు,  ఇటలీకి  చెందిన సెర్చ్ మరియు రెస్క్యూ  సంబంధ రక్షణ పరమైన ఒక ఉపగ్రహం మరియు జపాన్‌కు చెందిన  రాడార్ ఇమేజింగ్ ఎర్త్ అబ్జర్వేషన్ కొరకు ఒక ఉపగ్రహం ఉన్నాయి. ఈ ప్రయోగం ద్వారా భారత్ ప్రయోగించిన మొత్తం విదేశీ ఉపగ్రహాల సంఖ్య 319కి చేరింది.