PSLV-C49 Rocket: పీఎస్‌ఎల్‌వీ సి49 ప్రయోగం విజయవంతం, EOS-01 సహా మరో 9 ఉపగ్రహాలను కక్ష్యలో ప్రవేశపెట్టిన ఇస్రో

Sriharikota, November 7: శ్రీహరికోటలోని అంతరిక్ష ప్రయోగ కేంద్రం నుంచి పిఎస్‌ఎల్‌వి సి49 రాకెట్ విజయవంతంగా నింగిలోకి దూసుకెళ్లింది. భారత అంతరిక్ష పరిశోధన సంస్థ (ఇస్రో) తన 51వ మిషన్‌ను విజయవంతంగా పూర్తి చేసింది. క్యారియర్ వాహనం పిఎస్‌ఎల్‌వి సి-49 ద్వారా ఇస్రో శాస్త్రవేత్తలు ఇండియాకు చెందిన EOS-01 ఉపగ్రహంతో పాటు మరో 9 విదేశీ ఉపగ్రహాలను నిర్ణీత కక్ష్యలో ప్రవేశపెట్టారు. ఈ 9 కస్టమర్ ఉపగ్రహాలు లిథువేనియా (1), లక్సెంబర్గ్ (4) మరియు యుఎస్ఎ (4) దేశాలకు చెందినవి.

అంతరిక్ష శాఖ న్యూస్పేస్ ఇండియా లిమిటెడ్ (ఎన్‌ఎస్‌ఐఎల్) తో వాణిజ్య ఒప్పందం ప్రకారం ఇంటర్నేషనల్ కస్టమర్ ఉపగ్రహాలను ప్రయోగిస్తున్నట్లు ఇస్రో తెలిపింది.

EOS-01 ప్రయోగానికి కౌంట్‌డౌన్ నవంబర్ 6 న ప్రారంభమైంది. పిఎస్ఎల్వి-సి 49 ప్రయోగం ఈరోజు 15:02 గంటలు IST కి షెడ్యూల్ చేయబడింది, అయితే వాతావరణంలో మార్పుల కారణంగా ప్రయోగ సమయాన్ని 15:12 గంటలకు మార్చారు.

PSLV-C49 Rocket, Carrying EOS-01 Satellite, Lifts Off Success

ఇక ఈరోజు భారత్ ప్రయోగించిన ఉపగ్రహం EOS-01 విషయానికి వస్తే, ఇది దేశానికి సంబంధించిన భూతల పరిశీలన, వ్యవసాయం, అటవీ మరియు విపత్తు నిర్వహణ మొదలకు తదితర సేవలకు ఉద్దేశించబడింది.

2020లో ఇస్రో చేసిన మొదటి మిషన్ ఇది. కరోనావైరస్ (కోవిడ్ -19) వ్యాప్తి నేపథ్యంలో ప్రయోగ సమయంలో స్పేస్ సెంటర్ వద్ద వీక్షకులకు అనుమతి నిషేధించబడింది. అలాగే ఈ కొవిడ్ సమయాల్లో ఇస్రో సిబ్బంది అన్ని సవాళ్లను అధిగమించి అసాధ్యమనుకున్న దాన్ని సైతం సుసాధ్యం చేసి మరోసారి తన ఘనత చాటుకుంది.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)