LIC Health Insurance: ఆరోగ్య బీమా రంగంలోకి ఎల్‌ఐసీ అడుగుపెట్టబోతుందని వార్తలు.. ఇప్పటికైతే ప్రతిపాదనేదీ లేదన్న బీమా దిగ్గజం
ఆరోగ్య బీమా రంగంలోకి ఎల్‌ఐసీ అడుగుపెట్టే అవకాశం ఉన్నదని గత కొన్ని రోజులుగా వార్తలు వస్తున్నాయి. జాతీయ మీడియాలో ఇదే అంశంపై పెద్దయెత్తున చర్చ కూడా జరుగుతున్నది.
Newdelhi, June 15: ఆరోగ్య బీమా రంగంలోకి (Health Insurance) ఎల్‌ఐసీ (LIC) అడుగుపెట్టే అవకాశం ఉన్నదని గత కొన్ని రోజులుగా వార్తలు వస్తున్నాయి. జాతీయ మీడియాలో ఇదే అంశంపై పెద్దయెత్తున చర్చ కూడా జరుగుతున్నది. ఈ క్రమంలో ఎల్‌ఐసీ స్పందించింది. ‘ఆ రకమైన ప్రతిపాదనైతే ఇప్పటికైతే అధికారికంగా రాలేదు’ అని హెల్త్‌ ఇన్సూరెన్స్‌ లో ఎంట్రీపై ఎల్‌ఐసీ తేల్చిచెప్పింది. మీడియాలో వస్తున్న కథనాలు అధికరమైనవి కావని వెల్లడించింది.
పార్లమెంటరీ కమిటీ సూచనలతో..
ఒకే సంస్థ జీవిత, సాధారణ, ఆరోగ్య బీమాలను ఇచ్చేలా లైసెన్స్‌ లు ఇవ్వాలని, ఆ మేరకు సంబంధిత చట్టాలను సవరించాలని పార్లమెంటరీ కమిటీ గత ఫిబ్రవరిలో కేంద్రానికి సూచించింది. దీనివల్ల దేశంలో బీమా అందరికీ చేరువవుతుందని అభిప్రాయపడింది. ఈ క్రమంలోనే ఆరోగ్య బీమా రంగంలోకి ఎల్‌ఐసీ అడుగుపెట్టే అవకాశం ఉన్నదని వార్తలు వచ్చాయి.
ప్రస్తుత చట్టాలు ఏం చెప్తున్నాయి?
బీమా చట్టం 1938, ఐఆర్డీఏఐ నిబంధనల ప్రకారం ఒకే సంస్థ.. లైఫ్‌, జనరల్‌, హెల్త్‌ ఇన్సూరెన్స్‌ లను అమ్మరాదు. జీవిత బీమా సంస్థలు ఆరోగ్య బీమా పాలసీలను ఇవ్వరాదు. వాటిని జనరల్‌ ఇన్సూరెన్స్‌, స్టాండలోన్‌ హెల్త్‌ ఇన్సూరెన్స్‌ కంపెనీలే ఇవ్వాలి. అందుకే ఆరోగ్య బీమా పాలసీలను జారీ చేసేందుకు ఎల్‌ఐసీకి అనుమతి లేదు.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)