Kalki Movie Pic Leak: కల్కీ నుంచి ప్రభాస్‌ పిక్‌ లీక్.. భారీ మొత్తంలో నష్టపరిహారం చెల్లించాలని వీఎఫ్ఎక్స్ కంపెనీకి మేకర్స్‌ డిమాండ్..!
అయితే ఈ ప్రతిష్టాత్మక ప్రాజెక్టుకు లీకుల బెడద తప్పట్లేదు. తాజాగా ఈ సినిమా నుంచి ప్రభాస్‌ ఫోటో ఒకటి లీకైంది.
Hyderabad, Sep 17: భారత సినీ చరిత్రలోనే అత్యంత ఖరీదైన సినిమాగా రూపొందుతున్న సినిమా కల్కీ-2898ఏడి (Kalki-2898AD). అయితే ఈ ప్రతిష్టాత్మక ప్రాజెక్టుకు లీకుల (Leaks) బెడద తప్పట్లేదు. తాజాగా ఈ సినిమా నుంచి ప్రభాస్‌ (Prabhas) ఫోటో ఒకటి లీకైంది. ఆ ఫోటో ఈ సినిమాకు పనిచేస్తున్న ఓ వీఎఫ్ఎక్స్ కంపెనీ నుండి లీక్ అయినట్లు తెలుస్తోంది. దీంతో ఈ విషయాన్ని కల్కీ టీమ్ సీరియస్‌ గా తీసుకుంది. అందులో భాగంగా వీఎఫ్ఎక్స్ కంపెనీపై లీగల్ కేసుని ఫైల్ చేయడమే కాక దీనికి బాధ్యత వహించాల్సిన విఎఫ్ఎక్స్ కంపెనీ నుంచి భారీ మొత్తాన్ని నష్టపరిహారంగా డిమాండ్ చేయాలని నిర్ణయించుకుందట.
భారీ తారాగణమే
టైమ్‌ ట్రావెల్‌ కాన్సెప్ట్‌ తో తెరకెక్కుతున్న ఈ సినిమాను మహానటి ఫేమ్‌ నాగ్‌ అశ్విన్‌ దర్శకత్వం వహిస్తున్నాడు. ప్రభాస్‌కు జోడీగా దీపికా పదుకొనే, దిశా పటానీలు నటిస్తున్నారు. బిగ్‌బీ అమితాబ్‌ కీలకపాత్రలో నటిస్తున్న ఈ సినిమాలో కమల్‌ హాసన్‌ ప్రతినాయకుడి పాత్రలో కనిపించబోతున్నాడు. వైజయంతీ బ్యానర్‌పై అశ్వినీదత్‌ అత్యంత భారీ బడ్జెట్‌తో ఈ సినిమాను నిర్మిస్తున్నాడు.