Allahabad High Court: యువతి తనకు నచ్చిన వారితో ఉండవచ్చు, వారి జీవితాల్లో కలుగజేసుకునే హక్కు ఎవరికీ లేదు, సంచలన తీర్పు ఇచ్చిన అలహాబాద్ హైకోర్టు
ఒక ముఖ్యమైన కేసులో అలహాబాద్ హైకోర్టు (Allahabad High Court) ఒక వయోజన మహిళ తనకు కావలసిన వారితో కలిసి ఉండటానికి మరియు ఆమెకు నచ్చిన చోటుకి వెళ్ళడానికి స్వేచ్ఛగా ఉందని పేర్కొంది, కోర్టు ఆమెను హేబియాస్ కార్పస్ పిటిషన్ను విచారిస్తూ ఈ తీర్పును వెలువరించింది. యువతీ యువకులు తమకు నచ్చిన వారితో కలిసి ఉండొచ్చని (free to stay with whomsoever she wants), వారి జీవితాల్లో కలుగజేసుకునే హక్కు ఎవరికీ లేదని స్పష్టం చేసింది.
Lucknow, Nov 3: ఒక ముఖ్యమైన కేసులో అలహాబాద్ హైకోర్టు (Allahabad High Court) ఒక వయోజన మహిళ తనకు కావలసిన వారితో కలిసి ఉండటానికి మరియు ఆమెకు నచ్చిన చోటుకి వెళ్ళడానికి స్వేచ్ఛగా ఉందని పేర్కొంది, కోర్టు ఆమెను హేబియాస్ కార్పస్ పిటిషన్ను విచారిస్తూ ఈ తీర్పును వెలువరించింది. యువతీ యువకులు తమకు నచ్చిన వారితో కలిసి ఉండొచ్చని (free to stay with whomsoever she wants), వారి జీవితాల్లో కలుగజేసుకునే హక్కు ఎవరికీ లేదని స్పష్టం చేసింది.
నచ్చిన వారితో కలిసి జీవించే అవకాశం యువతకు ఉందని పేర్కొంది. వేర్వేరు మతాలకు చెందిన యువతి, యువకుడు వివాహం చేసుకున్న ఘటనలో న్యాయస్థానం తాజాగా సంచలన తీర్పు వెలువరించింది. ఉత్తరప్రదేశ్లోని షహరాన్పూర్కు చెందిన పూజా అలియాస్ జోయా, షావెజ్ పరస్పరం ప్రేమించుకున్నారు. ఇంటి నుంచి పారిపోయి పెళ్లి చేసుకున్నారు. ఆచూకీ కనిపెట్టిన పూజా కుటుంబ సభ్యులు వారిద్దరినీ గృహ నిర్బంధంలో ఉంచారు.
తెలిసినవారి ద్వారా బాధితులు కోర్టులో పిటిషన్ దాఖలు చేశారు. మేజర్లమైన తమకు కలిసి జీవించే అవకాశం ఇవ్వాలని కోర్టును కోరారు. ఈ పిటిషన్పై అలహాబాద్ హైకోర్టు జడ్జి విచారణ చేపట్టారు. జడ్జి ఆదేశాల మేరకు పోలీసులు యువతిని కోర్టులో హాజరుపర్చారు. భర్తతోనే కలిసి ఉంటానని ఆమె పేర్కొన్నారు. ఇందుకు న్యాయమూర్తి అంగీకరిస్తూ తీర్పు వెలువరించారు. ప్రత్యేక వివాహ చట్టం ప్రకారం.. భిన్న మతాలకు చెందిన వారు ప్రత్యేక వివాహ చట్టం ప్రకారం (Special Marriage Act) వివాహం చేసుకోవచ్చని కోర్టు అభిప్రాయపడింది.
ప్రత్యేక వివాహ చట్టం "ఏకరీతి సివిల్ కోడ్ కోసం చేసిన తొలి ప్రయత్నాల్లో ఒకటి" అని జస్టిస్ జెజె మునీర్ అభిప్రాయపడ్డారు. కాగా మా వైవాహిక జీవితానికి భంగం కలిగించవద్దని పోలీసులను, మహిళ తండ్రిని ఆదేశించాలని దంపతులు కోర్టును ఆశ్రయించారు. తల్లిదండ్రులు ముస్లిం అయిన ఓ అమ్మాయి పెళ్లికి ఒక నెల ముందు హిందూ మతంలోకి మారారు. ప్రియాన్షి అలియాస్ సమ్రీన్ మరియు ఆమె భాగస్వామి దాఖలు చేసిన పిటిషన్లో, ఈ సంవత్సరం జూలైలో ఈ జంట వివాహం చేసుకున్నారని, అయితే ఆ మహిళ యొక్క కుటుంబ సభ్యులు వారి వైవాహిక జీవితంలో జోక్యం చేసుకుంటున్నారని ఈ పటిషన్ లో పేర్కొంది.