Hidden Camera at Coffee Outlets Toilet: బెంగ‌ళూరు కాఫీ షాపు టాయిలెట్ డస్ట్ బిన్ లో ఫోన్, రెండు గంట‌ల‌కు కెమెరా ఆన్ లోనే ఉన్న‌ట్లు గుర్తించిన మహిళ, సోష‌ల్ మీడియాలో వైర‌ల్ పోస్ట్
బెంగళూరులోని ఓ ప్ర‌ముఖ కాఫీ షాపులో పని చేస్తున్న ఓ ఉద్యోగి అత్యంత నీచ‌మైన చ‌ర్య‌కు పాల్ప‌డ్డాడు. లేడీస్ వాష్‌రూమ్‌లోని (Ladies Washroom) డస్ట్బిన్లో సెల్‌ఫోన్‌ను (Hidden Camera) ఉంచాడు. ఆ మొబైల్‌ను ఫ్లైట్ మోడ్‌లో ఉంచి, కెమెరాను ఆన్ చేసి వీడియో రికార్డు చేశాడు. దీన్ని గ‌మ‌నించిన ఓ మహిళ.. కాఫీ షాపు యాజ‌మాన్యానికి ఫిర్యాదు చేసింది.
Bengaluru, AUG 11: బెంగళూరులోని ఓ ప్ర‌ముఖ కాఫీ షాపులో పని చేస్తున్న ఓ ఉద్యోగి అత్యంత నీచ‌మైన చ‌ర్య‌కు పాల్ప‌డ్డాడు. లేడీస్ వాష్‌రూమ్‌లోని (Ladies Washroom) డస్ట్బిన్లో సెల్‌ఫోన్‌ను (Hidden Camera) ఉంచాడు. ఆ మొబైల్‌ను ఫ్లైట్ మోడ్‌లో ఉంచి, కెమెరాను ఆన్ చేసి వీడియో రికార్డు చేశాడు. దీన్ని గ‌మ‌నించిన ఓ మహిళ.. కాఫీ షాపు యాజ‌మాన్యానికి ఫిర్యాదు చేసింది. అయితే ఈ ఫోన్ కెమెరా దాదాపు రెండు గంటల పాటు రికార్డింగ్ మోడ్‌లో ఉన్న‌ట్లు తేలింది. అయితే కెమెరాకు ఏమీ అడ్డురాకుండా సంచికి చిన్న రంధం చేసి టాయిలెట్ సీట్ దిశ‌గా ఉంచిన‌ట్లు బాధిత మహిళ తెలిపారు. ఈ వ్య‌వ‌హారాన్ని గ్యాంగ్స్ ఆఫ్ సినీపుర్ పేరిట ఉన్న ఓ ఇన్‌స్టాగ్రామ్ హ్యాండిల్‌లో పోస్టు చేశారు.
బీఈఎల్ రోడ్‌లోని థ‌ర్ద్ వేవ్ కాఫీ ఔట్‌లెట్‌లో (Coffee Outlet) ఈ ఘటన చోటు చేసుకున్న‌ట్లు ఇన్‌స్టాగ్రామ్ ఖాతాలో పేర్కొన్నారు. బెంగళూరులోని థర్డ్‌ వేవ్ కాఫీ ఔట్‌లెట్‌లో నేను ఉన్నాను. ఆ సమయంలోనే ఓ మహిళకు వాష్‌రూమ్‌లోని డస్ట్బిన్లో మొబైల్ కనిపించింద‌ని ఆమె తెలిపింది. ఫోన్ కనిపించకుండా చాలా జాగ్రత్తగా అందులో దాచిపెట్టారు. దాదాపు 2 గంటల పాటు వీడియో రికార్డ్ అయింది. ఫ్లైట్ మోడ్‌లో పెట్టడం వల్ల అక్కడ మొబైల్ ఉన్నట్టు ఎవరికీ తెలియలేదు. కెమెరా మాత్రం కనిపించేలా డస్ట్ బిన్‌కి ఓ రంధ్రం పెట్టారు. కెమెరాను గుర్తించిన ఆ మహిళ కాఫీ షాపు యాజ‌మాన్యానికి చెప్పింది. అక్కడ పని చేస్తున్న ఉద్యోగి ఈ పని చేసినట్టు తేలింది. పోలీసులు వెంటనే వచ్చి ఆ వ్యక్తిని విచారించారు. కఠిన చర్యలు తీసుకుంటామని కాఫీ షాపు యాజ‌మాన్యం చెప్పిన‌ట్లు గ్యాంగ్స్ ఆఫ్ సినీపుర్ ఇన్‌స్టా ఖాతాలో పేర్కొన్నారు.
ఈ ఘ‌ట‌న‌పై స‌ద‌రు కాఫీ విక్ర‌య సంస్థ స్పందించింది. జ‌రిగిన ఘ‌ట‌న‌పై విచారం వ్య‌క్తం చేసింది. త‌మ ఔట్‌లెట్ల‌లో ఇలాంటి దుశ్చ‌ర్య‌ల‌ను ఎట్టి ప‌రిస్థితుల్లో స‌హించేది లేద‌ని స్ప‌ష్టం చేసింది. స‌ద‌రు వ్యక్తిని వెంటనే ఉద్యోగంలో నుంచి తీసేసిన‌ట్లు పేర్కొంది. ఈ సంస్థ‌కు దేశ వ్యాప్తంగా ఔట్‌లెట్లు ఉండ‌డం గ‌మ‌నార్హం. ఈ దారుణానికి పాల్ప‌డ్డ వ్యక్తిని పోలీసులు అరెస్టు చేశారు.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)