COVID Vaccine Side Effects: కోవిడ్ వ్యాక్సిన్లతో సైడ్ ఎఫెక్ట్స్ నిజమే, అంగీకరించిన కేంద్ర ప్రభుత్వం, పూణే వ్యాపారవేత్త ప్రఫుల్ సర్దాకు RTI సమాధానంలో వివరాలను వెల్లడించిన ICMR, CDCSO

గత రెండేళ్లలో ఒక బిలియన్‌కు పైగా భారతీయులలో వేసుకున్న కోవిడ్-19 వ్యాక్సిన్‌ల 'బహుళ దుష్ప్రభావాల'ను ఇండియన్ కౌన్సిల్ ఆఫ్ మెడికల్ రీసెర్చ్ (ICMR), సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్ (CDSCO) అధికారికంగా అంగీకరించాయి.పూణే వ్యాపారవేత్త ప్రఫుల్ సర్దాకు RTI సమాధానంలో వారు ఈ వివరాలను వెల్లడించారు.

కొవిడ్‌ టీకాలతో పలు రకాల దుష్ప్రభావాలు కలుగుతున్నాయా లేదా సమాధానం ఇవ్వాలని సమాచార హక్కు చట్టం కింద పుణేకు చెందిన వ్యాపారి ప్రఫుల్‌ సర్దా అడిగిన ప్రశ్నకు ఇండియన్‌ కౌన్సిల్‌ ఫర్‌ మెడికల్‌ రిసెర్చ్‌ (ఐసీఎంఆర్‌), సెంట్రల్‌ డ్రగ్స్‌ స్టాండర్డ్‌ కంట్రోల్‌ ఆర్గనైజేషన్‌ (సీడీసీఎస్‌వో) ఈ మేరకు సమాధానమిచ్చాయి. ప్రస్తుతం అస్ట్రాజెనెకా-సీరం సంస్థకు చెందిన కొవిషీల్డ్‌, సీరం సంస్థ సొంతంగా అభివృద్ధి చేసిన కొవొవ్యాక్స్‌, భారత్‌ బయోటెక్‌ అభివృద్ధి చేసిన కొవాగ్జిన్‌, రష్యాకు చెందిన స్పుత్నిక్‌ వీ, బయోలాజికల్‌-ఈ అభివృద్ధి చేసిన కార్బీవాక్స్‌, క్యాడిలా సంస్థ తయారుచేసిన జైకోవ్‌ డీ టీకాలకు కేంద్రం అనుమతించింది.

భారత్‌లోని 10 మంది బిలియనీర్లపై 2 శాతం పన్ను విధిస్తే దేశం రూపురేఖలే మారిపోతాయి, దేశ అపర కుబేరుల సంపదపై దిమ్మతిరిగే నిజాలు

వ్యాక్సిన్ దుష్ప్రభావాలు

కొవిషీల్డ్‌: టీకా వేసిన చోట నొప్పి, దద్దుర్లు, కారణాల్లేకుండానే వాంతులు, పొత్తికడుపులో నొప్పి, తలనొప్పి, శ్వాసతీసుకోవడంలో ఇబ్బంది, ఛాతీనొప్పి, కాళ్ల నొప్పి, పక్షవాతం, మూర్ఛ, కండ్లలో నొప్పి, చూపు మందగించడం, మానసిక స్థితిలో మార్పు

కొవాగ్జిన్‌: టీకా వేసిన చోట నొప్పి, తలనొప్పి, జ్వరం, అలసట, ఒళ్లునొప్పులు, పొత్తికడుపులోనొప్పి, వికారం, వాంతులు, జలుబు, దగ్గు, కళ్లు తిరగడం, వణుకు

కొవొవ్యాక్స్‌: ఇంజెక్షన్‌ చేసిన చోట నొప్పి, దురద, అలసట, తలనొప్పి, జ్వరం, కండరాల నొప్పి, కీళ్ల నొప్పులు, వాంతులు, ఒళ్లునొప్పులు, శక్తిలేకపోవడం, వెన్నునొప్పి, కళ్లుతిరగడం,

స్పుత్నిక్‌ వీ: జ్వరం, కీళ్లనొప్పులు, కండరాల నొప్పి, శక్తిలేకపోవడం, తలనొప్పి, ఆకలి లేకపోవడం, వికారం, టీకా వేసిన చోట నొప్పి

కార్బీవ్యాక్స్‌: టీకావేసిన చోట నొప్పి, జ్వరం, తలనొప్పి, అలసట, ఒళ్లునొప్పులు, కండరాలనొప్పి, వికారం, దద్దుర్లు, నిద్రమత్తు, ఉర్టికేరియా, చలి, బద్ధకం,

"ICMR-CDSCO ఇచ్చిన సమాధానాలు చాలా ఆశ్చర్యకరమైనవి. "వ్యాక్సినేషన్ పూర్తిగా స్వచ్ఛందం" అని ప్రభుత్వం ప్రకటించినప్పటికీ, బస్సులు, రైళ్లు, విమానాలు, అంతర్ రాష్ట్ర కదలికలు, బయటికి వెళ్లకుండా ప్రజలను నిషేధించడం ద్వారా పరోక్షంగా ఎందుకు బలవంతం చేయబడింది? హోటళ్లు, రెస్టారెంట్‌లు, మల్టీప్లెక్స్‌లు, మాల్స్, ఇలా చాలా మంది భయాందోళనలకు గురయ్యారు. తర్వాత పరిణామాలు తెలియకుండానే తమను తాము మభ్యపెడుతున్నారు" అని సర్దా ఘాటుగా విమర్శలు చేశారు.

కరోనా ఊపిరితిత్తులోనికి వెళ్లకుండా అడ్డుకునే స్ప్రేని కనుగొన్న శాస్త్రవేత్తలు, ముక్కులో, కాని గొంతులో కాని ఇది స్ప్రే చేస్తే రక్షణ కవచంలాగా పనిచేస్తుందట

మీడియా ద్వారా, ఆసుపత్రులు, టీకా కేంద్రాల ద్వారా ఈ దుష్ప్రభావాల గురించి తగిన ప్రచారం జరిగిందా లేదా అనే దానిపై డేటాను విడుదల చేయాలని ఆయన ప్రభుత్వాన్ని కోరారు. ఈ దుష్ప్రభాల గురించి చెప్పకుండా ప్రపంచదేశాలకు కోట్లాది ఉచిత వ్యాక్సిన్‌లను భారతదేశం ఎలా విరాళంగా అందించిందని సర్దా ఉదహరించారు. ఈ సమస్యలను ఆ దేశాల ప్రజల దృష్టికి తీసుకువెళ్లారా అని ప్రశ్నించారు.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)