H3N2 Virus Scare: కలవరపెడుతున్న హాంకాంగ్ వైరస్, ఫ్లూ లక్షణాలతో గుజరాత్‌లో మరొకరు మృతి, కరోనాను పోలిన హెచ్3ఎన్2 వైరస్ లక్షణాలు

భారత్ లో హెచ్3ఎన్2 వైరస్ ఆందోళన కలిగిస్తోంది. తాజాగా ఈ వైరస్ తో (H3N2 Virus Scare) ఇప్పటికే ఇద్దరు మృతి చెందగా మరొకరు మృతి చెందారు. గుజరాత్ లో 58 ఏళ్ల మహిళ హెచ్3ఎన్2 వైరస్ లక్షణాలతో (Woman Dies Of Flu-Like Symptoms) మరణించినట్టుగా వార్తలు వస్తున్నాయి. గుజరాత్‌లోని వడోదర నగరంలోని ప్రభుత్వ ఆసుపత్రిలో ఫ్లూ వంటి లక్షణాల కారణంగా 58 ఏళ్ల మహిళ మరణించినట్లు అధికారి మంగళవారం తెలిపారు. ఇప్పటికే హెచ్3ఎన్2 వైరస్ తో దేశంలో ఇద్దరు మృతి చెందారు.

కరోనాకు కొత్త వైరస్‌కు మధ్య తేడాలు ఇవే, దగ్గు అదే పనిగా వస్తుంటే ఫ్లూ హెచ్‌3ఎన్‌2 ఇన్‌ఫ్లూయెంజా సోకినట్లే, ఓ సారి లక్షణాలు తెలుసుకోండి

H3N2 ఇన్‌ఫ్లుఎంజా వైరస్ కారణమా అని అడిగినప్పుడు, పరీక్ష కోసం నమూనాలను పంపామని, మహిళ మరణానికి ఖచ్చితమైన కారణాన్ని సమీక్ష కమిటీ నిర్ణయిస్తుందని అధికారి తెలిపారు.రోగిని మార్చి 11న ఒక ప్రైవేట్ సౌకర్యం నుండి సర్ సాయాజీరావు జనరల్ (SSG) ఆసుపత్రికి తరలించారు.

దేశంలో ప్రతి ఇద్దరిలో ఒకరికి జ్వరం, జలుబు దగ్గు లక్షణాలు, H3N2 వైరస్ రాకుండా ఈ జాగ్రత్తలు తీసుకోండి, యాంటీబయాటిక్స్ వాడొద్దని వైద్యులు హెచ్చరిక

ఆమె మార్చి 13న మరణించినట్లు రెసిడెంట్ మెడికల్ ఆఫీసర్ (RMO), SSG హాస్పిటల్, D K హేలయ తెలిపారు. మేము అన్ని నమూనాలను తీసుకొని పరీక్ష కోసం పంపాము. మహిళ మృతికి గల కారణాలను సమీక్ష కమిటీ నిర్ణయిస్తుంది" అని RMO విలేకరులతో అన్నారు. మృతురాలు వడోదరలోని ఫతేగుంజ్ ప్రాంతంలో నివాసి.

హెచ్3ఎన్2 వైరస్ లక్షణాలు కూడా కరోనాను పోలి ఉన్నట్టు గుర్తించారు. శ్వాస సంబంధ సమస్యలతో ఆసుపత్రుల్లో చేరుతున్న వారి సంఖ్య పెరుగుతున్నట్టు ఐసీఎంఆర్, ఐఎంఏ వెల్లడించాయి. కాగా, జనవరి 2 నుంచి భారత్ లో హెచ్3ఎన్2 కేసులు నమోదు చేస్తున్నారు. మార్చి 5 నాటికి దేశవ్యాప్తంగా 451 కేసులు గుర్తించారు.