IND Win By Seven Wickets: సిరీస్ కైవసం చేసుకున్న భారత్, రెండో టీ 20లో 7 వికెట్ల తేడాతో శ్రీలంకపై ఘన విజయం సాధించిన టీమిండియా

శ్రీలంక పర్యటనలో టీమిండియా మరో మ్యాచ్‌ మిగిలుండగానే మూడు మ్యాచ్‌ల టీ20 సిరీస్‌లో 2-0 ఆధిక్యంలో నిలిచింది. ఆదివారం పల్లెకెలె వేదికగా వర్షం అంతరాయం కలిగించిన రెండో టీ20ని టీమ్‌ఇండియా 7 వికెట్ల తేడాతో గెలుచుకుంది. టాస్‌ ఓడి మొదట బ్యాటింగ్‌ చేసిన లంకేయులు నిర్ణీత 20 ఓవర్లలో 9 వికెట్లు కోల్పోయి 161 పరుగులు చేశారు.

IND Win By Seven Wickets

శ్రీలంక పర్యటనలో టీమిండియా మరో మ్యాచ్‌ మిగిలుండగానే మూడు మ్యాచ్‌ల టీ20 సిరీస్‌లో 2-0 ఆధిక్యంలో నిలిచింది. ఆదివారం పల్లెకెలె వేదికగా వర్షం అంతరాయం కలిగించిన రెండో టీ20ని టీమ్‌ఇండియా 7 వికెట్ల తేడాతో గెలుచుకుంది. టాస్‌ ఓడి మొదట బ్యాటింగ్‌ చేసిన లంకేయులు నిర్ణీత 20 ఓవర్లలో 9 వికెట్లు కోల్పోయి 161 పరుగులు చేశారు. కుశాల్‌ పెరీరా (34 బంతుల్లో 53, 6 ఫోర్లు, 2 సిక్సర్లు), పతుమ్‌ నిస్సంక (24 బంతుల్లో 32, 5 ఫోర్లు) రాణించారు. ఒకదశలో 15 ఓవర్లకు 130/3గా ఉన్న ఆ జట్టు ఆ తర్వాత క్రమం తప్పకుండా వికెట్లు కోల్పోవడంతో చివరి ఐదు ఓవర్లలో 31 పరుగులు మాత్రమే జోడించి 6 వికెట్లు నష్టపోయింది. టీమిండియా-శ్రీలంక తొలి టీ20 మ్యాచ్... 43 పరుగుల తేడాతో శ్రీలంకపై టీమిండియా అద్భుత విజయం

భారత బౌలర్లలో రవి బిష్ణోయ్‌ (3/26) రాణించగా అర్ష్‌దీప్‌, అక్షర్‌, హార్దిక్‌ తలా రెండు వికెట్లు పడగొట్టారు. అనంతరం ఛేదనలో వర్షం రావడంతో అంపైర్లు భారత లక్ష్యాన్ని డక్‌వర్త్‌ లూయిస్‌ పద్ధతి ప్రకారం 8 ఓవర్లలో 78 పరుగులుగా నిర్దారించారు. 6.3 ఓవర్లలో 3 వికెట్ల నష్టానికి భారత్‌ 81 పరుగులు చేసింది. ఓపెనర్‌ యశస్వీ జైస్వాల్‌ (15 బంతుల్లో 30, 3 ఫోర్లు, 2 సిక్సర్లు), కెప్టెన్‌ సూర్యకుమార్‌ యాదవ్‌ (12 బంతుల్లో 26, 4 ఫోర్లు, 1 సిక్స్‌), హార్దిక్‌ పాండ్యా (9 బంతుల్లో 22 నాటౌట్‌, 3 ఫోర్లు, 1 సిక్స్‌) ధాటిగా ఆడి మరో 9 బంతులుండగానే విజయాన్ని పూర్తి చేశారు. బిష్ణోయ్‌కు ‘మ్యాన్‌ ఆఫ్‌ ది మ్యాచ్‌’ అవార్డు లభించింది. ఈ సిరీస్‌లో ఆఖరి మ్యాచ్‌ మంగళవారం జరుగనుంది.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)

Share Now

Share Now