J&K Encounter: భారీ ఉగ్రకుట్ర భగ్నం, ముగురు టెర్రరిస్టుల హతం, జమ్మూకాశ్మీర్‌లో భద్రతా బలగాల ఆపరేషన్, ట్రక్కులో పేలుడు పదార్ధాలు తీసుకెళ్తుండగా అటాక్‌ చేసిన బలగాలు

Srinagar, DEC 28: జమ్మూకాశ్మీర్‌లో భారీ ఎన్‌ కౌంటర్ (JK Encounter) జరిగింది. భద్రతా బలగాలు, ఉగ్రవాదులకు మధ్య జరిగిన కాల్పుల్లో ముగ్గురు ఉగ్రవాదులు హతమయ్యారు. జమ్మూలోని పజ్‌తీర్థి-సిధ్రా రోడ్డులో, బుధవారం ఉదయం ఏడున్నర గంటల సమయంలో ఈ ఎన్‌కౌంటర్ (Encounter) జరిగింది. భారత భద్రతా దళాలకు, తీవ్రవాదులకు మధ్య జరిగిన కాల్పుల్లో ముగ్గురు తీవ్రవాదులు మరణించినట్లు సైన్యం తెలిపింది. ఉగ్రవాదులు, శ్రీనగర్ హైవేపై ట్రక్కులో వెళ్తుండగా, భద్రతా సిబ్బంది గుర్తించారు. దీంతో ట్రక్కును చుట్టుముట్టిన సైన్యం కాల్పులు జరిపింది. దీంతో సైనికులపైకి తీవ్రవాదులు కూడా కాల్పులు ప్రారంభించారు. అయితే, భద్రతా దళాల కాల్పుల్లో ముగ్గురు తీవ్రవాదులు మరణించారు. కాల్పుల సందర్భంగా ఒక గ్రెనేడ్ కూడా పేలింది. ఘటన జరుగుతున్నప్పుడే ట్రక్కు డ్రైవర్ పారిపోయాడు. అతడి కోసం పోలీసులు గాలిస్తున్నారు.

హతమైన ముగ్గురు తీవ్రవాదులు భారీ కుట్రకు ప్లాన్ చేసినట్లు తెలుస్తోంది. ప్రస్తుతం ఈ ప్రాంతం మొత్తాన్ని భద్రతాదళాలు తమ అధీనంలోకి తీసుకున్నాయి. రహదారిని కూడా మూసేసి, తనిఖీలు నిర్వహిస్తున్నారు. మంగళవారమే ఈ ప్రాంతంలో పోలీసులు భారీ స్థాయిలో పేలుడు పదార్థాల్ని స్వాధీనం చేసుకున్నారు.

Uttar Pradesh Fire: అయ్యో పాపం! మంటలు చెలరేగి కుటుంబమంతా సజీవదహనం, మృతుల్లో నలుగురు 14 ఏళ్లలోపు వారే, స్టవ్ ఆఫ్ చేయకుండా పడుకోవడంతో మంటలు చెలరేగి ప్రమాదం 

ఉదంపూర్ ప్రాంతంలో 15 కేజీల పేలుడు పదార్థాల్ని స్వాధీనం చేసుకున్న పోలీసులు, వాటిని నిర్వీర్యం చేశారు. ఆర్డీఎక్స్ (RDX), డిటోనేటర్ల వంటివి ఉపయోగించి ఈ ప్రాంతంలో పేలుడు సృష్టించేందుకు తీవ్రవాదులు ప్రయత్నించారని పోలీసులు వెల్లడించారు.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)