M3M Money Laundering Case: ఈడీకి ఇన్ని అధికారాలు అవసరమా, వాటిని అదుపు చేయకపోతే ప్రజలకు భద్రత ఉండదు, సుప్రీంకోర్టులో సీనియర్ లాయర్ హరీశ్ సాల్వే వాదనలు

New Delhi, July 5: మనీలాండరింగ్ కేసులను దర్యాప్తు చేయడంలో ఎన్‌ఫోర్స్‌మెంట్ డైరెక్టరేట్ (ED)కి "కఠినమైన అధికారాలు" ఇచ్చారు. ఈ అపరిమిత అధికారాలను పునరుద్ధరించాల్సిన అవసరం ఉందని సుప్రీంకోర్టుకు సీనియర్‌ న్యాయవాది హరీశ్ సాల్వే మంగళవారం తెలిపారు. మనీలాండరింగ్ నిరోధక చట్టం (పిఎమ్‌ఎల్‌ఎ) కింద గురుగ్రామ్‌కు చెందిన ఎడ్ రియల్టీ గ్రూప్ ఎం3ఎమ్‌కి సంబంధించిన ఒక బ్యాచ్ పిటిషన్లను న్యాయమూర్తులు ఎఎస్ బోపన్న, ఎంఎం సుందరేష్‌లతో కూడిన ధర్మాసనం విచారించింది .

రియల్టీ గ్రూప్ M3M డైరెక్టర్ల తరపున సీనియర్ న్యాయవాది హరీష్ సాల్వే మాట్లాడుతూ, “ఇవి EDకి ఇచ్చిన తీవ్రమైన అధికారాలు, కోర్టు వాటిని నియంత్రించకపోతే, ఈ దేశంలో ఎవరూ సురక్షితంగా ఉండరు, ఎలా అరెస్టు చేశారో చూడండి. నా క్లయింట్లు విచారణకు సహకరిస్తున్నారు. అయినా దారుణంగా అరెస్టుకు ఈడీ పాల్పడింది. ఇది వారి హక్కులను ఉల్లంఘించడమే... ఈ అధికారాలు అవసరం లేదని కోర్టుకు విన్నవించారు. ముందస్తు బెయిల్‌ షరతులను ఉల్లంఘించినట్లు ఎక్కడా ఆధారాల్లేవ్‌. అయినా, ఈడీ ఇలా దారుణంగా వ్యవహరించి అరెస్టుకు పాల్పడింది’’ అని సాల్వే (Harish Salve) తెలిపారు.

మురికివాడ ప్రజలకు దశాబ్దాలు దాటినా పరిహారం ఇవ్వరా? కలెక్టర్‌, జీహెచ్‌ఎంసీ భూసేకరణ అధికారి, కమిషనర్‌లపై హైకోర్టు ఆగ్రహం

ఓ అవినీతికి సంబంధించిన మనీలాండరింగ్‌ కేసులో ఎం3ఎం డైరెక్టర్లు బసంత్‌ బన్సార్‌, పంకజ్‌ బన్సాల్‌పై ఈడీ అధికారులు కేసు నమోదు చేశారు. ఈ క్రమంలోనే జూన్‌ 1వ తేదీన ఈడీ (ED) అధికారులు ఎం3ఎం గ్రూప్‌, బన్సాల్‌ సోదరుల ఇళ్లు, కార్యాలయాల్లో సోదాలు జరిపారు. దీంతో బన్సాల్‌ సోదరులు జూన్‌ 9న పంజాబ్‌, హరియాణా హైకోర్టును ఆశ్రయించగా.. జులై 5 వరకు వారికి అరెస్టు నుంచి మధ్యంతర రక్షణ కల్పించింది. అయితే, జూన్‌ 14న వారిని ఈడీ అరెస్టు చేసి పంచకులలోని పీఎంఎల్‌ఏ కోర్టులో హాజరుపర్చింది. దీంతో న్యాయస్థానం వారికి ఐదు రోజుల కస్టడీ విధించింది.

ఈ కస్టడీని సవాల్‌ చేస్తూ వారు ఢిల్లీ హైకోర్టును ఆశ్రయించగా.. ఇందులో జోక్యం చేసుకునేందుకు న్యాయస్థానం నిరాకరించింది. దీంతో బన్సాల్‌ సోదరులు సుప్రీంకోర్టును ఆశ్రయించారు. ఈ పిటిషన్లపై సర్వోన్నత న్యాయస్థానం బుధవారం విచారణ జరిపింది. బన్సాల్‌ సోదరుల తరఫున హరీశ్ సాల్వే వాదనలు వినిపించారు. వీరి వాదనలు విన్న సుప్రీంకోర్టు (Supreme Court) ధర్మాసనం.. బన్సాల్‌ సోదరులు ముందస్తు బెయిల్‌ కోసం పంజాబ్‌ హరియాణా హైకోర్టుకు వెళ్లేందుకు అనుమతులు ఇచ్చింది. అనంతరం వీరి పిటిషన్లను కోర్టు కొట్టేసింది.

M3M గ్రూప్ యజమానులు, కంట్రోలర్‌లు, ప్రమోటర్లు -- బసంత్ బన్సాల్, రూప్ కుమార్ బన్సల్, పంకజ్ బన్సల్, ఇతర ముఖ్య వ్యక్తులు దాడుల సమయంలో ఉద్దేశపూర్వకంగా ED దర్యాప్తు నుండి తప్పించుకున్నారని ఈడీ ఒక పత్రికా ప్రకటనలో పేర్కొంది. ఈ కేసులో వందల కోట్ల రూపాయలలో భారీ మొత్తంలో డబ్బు M3M గ్రూప్ ద్వారా తరలించబడిందని ఈడీ ఆరోపించింది