Naxal Attack in Bijapur: ఛత్తీస్గఢ్లో జవాన్ల వాహనమే లక్ష్యంగా పేలిన మందుపాతర, తొమ్మిది మంది జవాన్లు మృతి, పలువురికి తీవ్ర గాాయలు, వీడియోలు ఇవిగో..
ఛత్తీస్‌గఢ్‌లోని బీజాపూర్‌ జిల్లాలో జవాన్లే లక్ష్యంగా మావోయిస్టులు ఘాతుకానికి పాల్పడ్డారు.కుత్రు అటవీ ప్రాంతంలో భద్రతాబలగాలు ప్రయాణిస్తున్న వాహనాన్ని ఐఈడీ మందుపాతర పెట్టి పేల్చివేశారు మావోయిస్టులు.
Dantewada, January 6: ఛత్తీస్‌గఢ్‌లోని బీజాపూర్‌ జిల్లాలో జవాన్లే లక్ష్యంగా మావోయిస్టులు ఘాతుకానికి పాల్పడ్డారు.కుత్రు అటవీ ప్రాంతంలో భద్రతాబలగాలు ప్రయాణిస్తున్న వాహనాన్ని ఐఈడీ మందుపాతర పెట్టి పేల్చివేశారు మావోయిస్టులు. ఈ ఘటనలో 9 మంది జవాన్లు మృతి చెందగా.. పలువురికి గాయాలయ్యాయి.ఐఈడీ పేలిన సమయంలో వాహనంలో 15 మంది జవాన్లు ఉన్నట్లు సమాచారం. క్షతగాత్రులను బీజాపూర్‌ జిల్లా ఆస్పత్రికి తరలించి చికిత్స అందిస్తున్నారు.
మొత్తం పదిహేను మంది జవాన్లు ప్రయాణిస్తున్న వాహనాన్ని అంబోలి వంతెన వద్ద సోమవారం(జనవరి6) మావోయిస్టులు పేల్చివేశారు. వాహనం కుత్రు అటవీప్రాంతంలోని ఓ మార్గం వద్దకు రాగానే.. మావోయిస్టులు మందుపాతరను పేల్చారు. ఈ క్రమంలో రోడ్డుపై భారీ గుంత ఏర్పడింది. పోలీసువాహనం తుక్కుతుక్కైంది. దంతెవాడ, నారాయణ్‌పుర్‌, బీజాపూర్‌ సరిహద్దుల్లో పోలీసులతో కలిసి సంయుక్త ఆపరేషన్ నిర్వహించి.. తిరిగి వెళ్తుండగా దారిలో మావోయిస్టులు ఐఈడీని పేల్చారు.
8 Jawans, Driver Killed As Maoists Blow Up Security Vehicle in Chhattisgarh
ఇటీవలి కాలంలో ఛత్తీస్‌గఢ్‌లోని బీజాపూర్‌, సుక్మా జిల్లాల్లో మావోయిస్టుల ప్రాబల్యం పెరుగుతోంది. దీంతో ఇక్కడ పోలీసులు, మావోయిస్టులకు మధ్య ఎదురుకాల్పుల ఘటనలు ఎక్కువయ్యాయి. ఈ క్రమంలోనే మావోయిస్టులు ఏకంగా భద్రతా బలగాల వాహనాన్ని మందుపాతర పెట్టి పేల్చివేయడం సంచలనంగా మారింది. కాగా, ఆదివారమే ఛత్తీస్‌గఢ్‌లోని అబూజ్మడ్‌ అటవీ ప్రాంతంలో పోలీసులకు మావోయిస్టులకు మధ్య జరిగిన ఎదురుకాల్పుల్లో నలుగురు మావోయిస్టులతో పాటు ఒక జవాను మృతి చెందారు. ఈ నేపథ్యంలో సోమవారం భద్రతా దళాలు మావోయిస్టుల కోసం గాలిస్తున్న సమయంలో ఈ ఘటన చోటుచేసుకుంది.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)