Indian Railways: రైల్వే ప్రయాణికులకు గుడ్ న్యూస్, ఆ రైళ్లలో ప్రయాణ ఛార్జీలను రూ. 10కి తగ్గించిన భారతీయ రైల్వే, పూర్తి వివరాలు ఇవిగో..

Indian Railways Reduce Passenger Train Fare To Rs 10: సామాన్య రైల్వే ప్రయాణికులకు ఇండియన్ రైల్వే (Indian Railways) శుభవార్త చెప్పింది. 'ఎక్స్‌ప్రెస్ స్పెషల్స్' లేదా 'మెము/డెము ఎక్స్‌ప్రెస్' రైళ్లుగా పేరు మార్చిన 'ప్యాసింజర్ రైళ్ల' కోసం సెకండ్ క్లాస్ ఆర్డినరీ ఛార్జీలను పునరుద్ధరించాలని (Railways Cuts Ticket prices) భారతీయ రైల్వే నిర్ణయించింది.

COVID-19 మహమ్మారి లాక్‌డౌన్ తర్వాత, రైల్వేలు వాటి పేర్లను మార్చడం ద్వారా 'ప్యాసింజర్ రైళ్ల'ను క్రమంగా నిలిపివేసింది. 'ఆర్డినరీ క్లాస్' ఛార్జీలు నిలిపివేయబడ్డాయి. అనంతరం కనీస టిక్కెట్ ధరను రూ. 10 నుండి రూ. 30కి పెంచారు, వాటిని ఎక్స్‌ప్రెస్ రైలు ఛార్జీలతో సమానంగా చేశారు. ఇప్పుడు తాజా మార్పుతో సాధారణ ఛార్జీ రూ.30 నుంచి రూ.10కి (Reduce Passenger Train Fare To Rs 10) తగ్గింది.

ఇండియన్ రైల్వే అదిరిపోయే ఫీచర్, మీరు నిద్రపోయినా మీ గమ్యస్థానం రాగానే అలర్ట్, డెస్టినేషన్ అలర్ట్ వేక్ అప్ అలారం ఫీచర్ ఎలా ఉపయోగించుకోవాలో తెలుసుకోండి

అయితే, ది హిందూ ప్రకారం , సెకండ్ క్లాస్ ఆర్డినరీ రైళ్లలో కనీస ఛార్జీలను మార్చడం గురించి చీఫ్ బుకింగ్ రిజర్వేషన్ సూపర్‌వైజర్‌లకు మంగళవారం తెల్లవారుజాము నుండి అమలులోకి వచ్చినట్లు రైల్వే ధృవీకరించింది. 'ప్యాసింజర్ రైళ్లు' రీ-కేటగిరీ చేయబడి, ఎక్స్‌ప్రెస్ రైలు ఛార్జీలను వసూలు చేస్తున్నాయని నివేదికలు వెలువడిన తర్వాత, రైల్వే బోర్డు సమీక్షా సమావేశాన్ని నిర్వహించి, మునుపటి ధరలకే మార్చాలని అన్ని జోనల్ రైల్వేలకు హెచ్చరిక జారీ చేసింది.

రైల్వే శాఖ సరికొత్త నిర్ణయం, అన్ని ఫిర్యాదులకు ఇకపై 139 నంబర్ మాత్రమే ఉపయోగించాలి, మిగతా నంబర్లు పనిచేయవని స్పష్టం చేసిన ఇండియన్ రైల్వే

మంగళవారం నుంచి 'జీరో'తో ప్రారంభమయ్యే అన్ని మెయిన్‌లైన్ ఎలక్ట్రిక్ మల్టిపుల్ యూనిట్లు (MEMU), రైళ్లలో ఆర్డినరీ క్లాస్‌లో దాదాపు 50% ఛార్జీలను రైల్వేలు తగ్గించాయి. అన్‌రిజర్వ్‌డ్ టికెటింగ్ సిస్టమ్ (UTS) యాప్‌లో ఛార్జీలను సవరించారు. ఈ ఛార్జీ తగ్గింపు గతంలో ప్యాసింజర్ రైళ్లుగా ఉండి ఇప్పుడు 'ఎక్స్‌ప్రెస్ స్పెషల్' లేదా మెముగా నడుస్తున్న అన్ని రైళ్లకు వర్తిస్తుంది.