Thane Breakfast Killing: కిచిడీలో ఉప్పు ఎక్కువైందని భార్యను ఉరేసిన భర్త, మహారాష్ట్రలోని థానే జిల్లాలో దారుణం, గతంలోనూ ఇదే తంతు

Thane, April 16:  కిచిడిలో (Kichidi) ఉప్పు ఎక్కువ వేసిందని భార్యను (wife Murdered) చంపేశాడు ఓ వ్యక్తి. మహారాష్ట్రలోని థానే జిల్లాలోని భ‌యాండ‌ర్ టౌన్‌షిప్‌లో శుక్ర‌వారం ఉద‌యం ఈ ఘటన చోటు చేసుకుంది. నీలేష్ గాగ్‌(46), నిర్మ‌ల‌(40) అనే ఇద్ద‌రు దంప‌తులు భ‌యాండ‌ర్ టౌన్‌షిప్‌లోని ప‌ఠాక్ రోడ్డులో నివాస‌ముంటున్నారు. అయితే నిర్మ‌ల శుక్ర‌వారం ఉద‌యం అల్పాహారంలో భాగంగా కిచిడి వండింది. త‌న భ‌ర్త‌కు ఉద‌యం 9:30 గంట‌ల స‌మ‌యంలో నిర్మ‌ల కిచిడి (Kichidi) వ‌డ్డించింది. కిచిడి రుచి చూసిన భ‌ర్త‌కు క్ష‌ణాల్లోనే కోపం క‌ట్ట‌లు తెంచుకుంది. ఆ ఆహారంలో ఉప్పు ఎక్కువైంద‌ని భార్య‌ను మంద‌లించాడు. అంత‌టితో ఆగ‌కుండా ఆమె గొంతుకు బ‌ట్ట చుట్టి చంపేశాడు. అయితే భార్యను కిచిడీ కోసం చంపేశాడన్న వార్తను విన్న స్థానికులు అతనిపై ఆగ్రహం వ్యక్తం చేస్తున్నారు.

Rajasthan: దేశంలో మరో మిస్టరీ వ్యాధి కలకలం, ఐదు రోజుల్లో ఏడుగురు చిన్నారులు మృతి, జ్వరం, మూర్ఛ వంటి లక్షణాలతో మరణించినట్లు తెలిపిన రాజస్థాన్ అధికారులు

గతంలో కూడా ఈ ఇద్దరి మధ్య గొడవలు జరిగేవని చుట్టుపక్కలవారు చెప్తున్నారు. చాలాసార్లు అతను తన భార్యపై చేయి చేసుకున్నాడని, క్షణికావేశంలో ఈ హత్య చేసినట్లు భావిస్తున్నారు. ఈ ఘటనకు సంబంధించి స‌మాచారం అందుకున్న పోలీసులు ఘ‌ట‌నాస్థ‌లికి చేరుకుని మృత‌దేహాన్ని స్వాధీనం చేసుకున్నారు. కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)