Unique ID Number Mandatory for Doctors in India: ఇకపై ఆ ఐడీ ఉంటేనే డాక్టర్‌గా గుర్తింపు, భారత్‌లో వైద్యులకు ప్రత్యేక గుర్తింపు నెంబర్లు ఇవ్వాలని నిర్ణయం, నేషనల్ మెడికల్ కమిషన్ కొత్త నిబంధనలు
నేషనల్ మెడికల్ కమిషన్ (NMC) కొత్త నిబంధనల ప్రకారం, ఎన్ఎమ్సీ ఎథిక్స్ బోర్డు (NMC Board) ఈ సంఖ్యను జారీ చేస్తుంది. తద్వారా వైద్యుల పేర్లను జాతీయ మెడికల్ రిజిస్ట్రీలో నమోదుచేయడంతో పాటూ వారికి దేశంలో ప్రాక్టీసు చేసుకునేందుకు అనుమతి ఇస్తుంది. దేశంలోని ప్రతి వైద్యుడికి ఈ యూనీక్ ఐడీ నెంబర్ తప్పనిసరి
New Delhi, May 17: భారత్‌లోని డాక్టర్లు అందరికీ ఇకపై ప్రత్యేక గుర్తింపు సంఖ్యను కేటాయించనున్నారు. నేషనల్ మెడికల్ కమిషన్ (NMC) కొత్త నిబంధనల ప్రకారం, ఎన్ఎమ్సీ ఎథిక్స్ బోర్డు (NMC Board) ఈ సంఖ్యను జారీ చేస్తుంది. తద్వారా వైద్యుల పేర్లను జాతీయ మెడికల్ రిజిస్ట్రీలో నమోదుచేయడంతో పాటూ వారికి దేశంలో ప్రాక్టీసు చేసుకునేందుకు అనుమతి ఇస్తుంది. దేశంలోని ప్రతి వైద్యుడికి ఈ యూనీక్ ఐడీ నెంబర్ తప్పనిసరి (Unique ID Number Mandatory for Doctors in India). ఎన్ఎమ్సీ తాజాగా నోటిఫికేషన్ ప్రకారం, దేశంలోని వైద్యులందరి కోసం ఉమ్మడిగా ఓ నేషనల్ మెడికల్ రిజిస్టర్‌ను (National Medical Register) ఏర్పాటు చేస్తారు. ఇవే వివరాలతో మరో రిజిస్టర్ ఎథిక్స్ బోర్డు వద్ద కూడా ఉంటుంది.
రాష్ట్రాల మెడికల్ కౌన్సిల్స్ వద్ద ఉన్న రిజిస్టర్లలోని వైద్యుల (Doctors) వివరాలన్నీ ఈ జాతీయ రిజిస్టర్‌లో చేరుస్తారు. వైద్యులకు సంబంధించి తగు వివరాల్ని ఈ రిజిస్టర్‌లో పొందుపరుస్తారు. రిజిస్టర్‌లో పేరు నమోదు చేసుకున్న వైద్యులకు 5 ఏళ్ల కాలపరిమితపై వైద్య వృత్తిని ప్రాక్టీసు చేసుకునేందుకు లైసెన్స్ జారీ చేస్తారు. కాలపరిమితి ముగిశాక వైద్యులు తమ లైసెన్స్ పునరుద్ధరణ కోసం స్టేట్ మెడికల్ కౌన్సిల్‌లో దరఖాస్తు చేసుకోవాలి. మరో మూడు నెలల్లో కాలపరిమితి ముగుస్తుందనంగా వైద్యులు రెన్యూవల్‌కు దరఖాస్తు చేసుకోవచ్చు