Kidnap Attempt In Haryana: కిడ్నాపర్ల బారి నుంచి తృటిలో తప్పించుకున్న యువతి, జిమ్ చేసి వస్తుండగా బలవంతంగా కారులోకి ఎక్కించబోయిన దుండగులు, యువతి ప్రతిఘటించడంతో పారిపోయిన కిడ్నాపర్లు

Haryana, JAN 01: కారులో యువతిని కిడ్నాప్ చేసేందుకు కొందరు దుండగులు విఫలయత్నం (Kidnapping Attempt) చేశారు. ఇందుకు సంబంధించిన దృశ్యాలు సీసీటీవీ కెమెరాలో (CCTV) రికార్డయ్యాయి. హరియాణాలోని (Haryana) యమునా నగర్ లో నిన్న ఈ ఘటన చోటుచేసుకుంది. జిమ్ కి వెళ్లిన ఓ యువతి అందులో వ్యాయామం చేసి, బయటకు వచ్చి తన కారులో కూర్చుంది. అదే సమయంలో అక్కడకు నలుగురు దుండగులు తమ ప్రణాళిక ప్రకారం వచ్చారు. ఆ యువతి కూర్చున్న కారులోకి ఎక్కారు. అయితే, కారులోని ఆ యువతి ప్రతిఘటించింది. గట్టిగా అరుస్తూ, దుండగులను కొట్టింది. దీంతో భయపడిపోయిన దుండగులు వెంటనే కారులో నుంచి బయటకు వచ్చి పారిపోయారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.

ఈ ఘటనపై పూర్తి వివరాలు తెలుసుకునేందుకు ప్రయత్నిస్తున్నారు. యమునా నగర్ (Yamuna nager) డిప్యూటీ సూపరింటెండెంట్ ఆఫ్ పోలీస్ చెప్పిన వివరాల ప్రకారం.. నలుగురు వ్యక్తులు ఆ యువతి కారులోకి ఎక్కి దాని డోర్లు మూసేసి కిడ్నాప్ చేయాలని భావించారు. ఆమెను ఎందుకు అపహరించాలనుకున్నారు? వంటి అంశాలపై పోలీసులు ఆరా తీస్తున్నారని చెప్పారు. ఈ కేసులో ఒకరిని ఇప్పటికే అరెస్టు చేశారు.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)