Cow at Traffic Signal: ట్రాఫిక్ రూల్స్ పాటిస్తున్న ఆవు.. గ్రీన్ సిగ్నల్ కోసం ట్రాఫిక్ కూడలి వద్ద వాహనాలే కాదు ఈ ఆవు కూడా ఆగిందోచ్.. పూణెలో ఘటన, వీడియోను షేర్ చేసిన స్థానిక పోలీసులు.. మీరూ చూడండి!
వాహనదారులు ట్రాఫిక్ రూల్స్ పాటించకపోవడంతోనే ప్రమాదాలు జరుగుతున్నాయి. పసుపు పచ్చ, రెడ్ సిగ్నల్స్ పడ్డా ఆగని వాహనదారులు కూడా ఉన్నారు.
Pune, June 28: వాహనదారులు ట్రాఫిక్ రూల్స్ (Traffic Rules) పాటించకపోవడంతోనే ప్రమాదాలు జరుగుతున్నాయి. పసుపు పచ్చ, రెడ్ సిగ్నల్స్ పడ్డా ఆగని వాహనదారులు కూడా ఉన్నారు. అయితే, ఓ ఆవు ట్రాఫిక్ నిబంధనలను గౌరవిస్తూ ట్రాఫిక్ కూడలి వద్ద గ్రీన్ సిగ్నల్ కోసం వేచి చూడటం ప్రస్తుతం సంచలనంగా మారింది. ఇందుకు సంబంధించిన వీడియో నెటిజన్లను అమితంగా ఆకట్టుకుంటోంది. అసలేం జరిగిందంటే.. మహారాష్ట్రలోని పూణెలో (Pune) ఓ ట్రాఫిక్ కూడలి వద్ద రెడ్ సిగ్నల్ పడటంతో ఓ ఆవు ఆగిపోయింది. తెల్లగీతను దాటకుండా నిలబడింది.
హారన్లు మోగుతున్నా..
వెనక వాహనాల హారన్లు మోగుతున్నా అది పట్టించుకోలేదు. ఇతర వాహనదారుల వలెనే అది గ్రీన్ సిగ్నల్ కోసం ఎదురు చూసింది. సిగ్నల్ మారగానే ముందుకు కదిలింది. ఈ వీడియోను షేర్ చేసిన పూణె పోలీసులు పనిలోపనిగా ఆవు క్రమశిక్షణను పోలుస్తూ వాహనదారులకు ట్రాఫిక్ రూల్స్ పై కీలక సూచనలు కూడా చేశారు.